25:662  aussi  quand  nous  lisons  ceste  sentence,  qu'elle  nous  est  a  commandement,  cognoissons  que  ce  seroit  aneantir  la  mort  et  passion  de  nostre  Seigneur  Iesus  Christ,  quand  nous  ne  serions  point  plainement  certifiez  de  cest  heritage,  comme  sainct  Paul  aussi  le  monstre.  Si  tu  dis:  Qui  est-ce  qui  descendra  aux  abysmes?  c'est  autant  comme  si  tu  arrachois  Iesus  Christ  de  la  mort.  Quand  donc  nous  penserons,  helas!  nous  sommes  povres  creatures,  il  n'y  a  en  nous  que  toute  foiblesse,  et  mesmes  le  mal  y  domine  tellement,  que  nous  ne  savons  que  faire,  et  le  diable  nous  tourmente,  et  puis  nous  sommes  tant  fragiles  que  c'est  pitie,  nous  sommes  en  trouble  et  en  inquietude,  et  quand  nous  demeurons  la  comme  perdans  courage,  c'est  autant  comme  si  nous  croiyons  que  Iesus  Christ  ne  fust  point  mort  pour  nous,  dit  sainct  Paul.  Et  pourquoy?  car  ce  n'est  point  une  chose  frustratoire  que  la  mort  et  passion  qu'il  a  soufferte,  elle  est  de  trop  grand  prix.  Or  donc  il  nous  luy  faut  donner  sa  vertu,  que  combien  que  nous  voiyons  les  abysmes  de  tous  costez,  et  que  nous  y  soyons  mesmes  le  plus  souvent,  que  quand  nous  sommes  sortis  d'un  gouffre,  il  nous  faille  rentrer  en  l'autre,  et  cependant  que  Sathan  ait  une  telle  puissance  a  l'encontre  de  nous,  et  que  de  nostre  part  nous  soyons  si  foibles,  qu'a  grand'  peine  puissionsnous  remuer  un  doigt:  que  nous  ne  laissions  pas  pourtant  d'estre  certifiez  que  l'heritage  nous  appartient:  car  c'est  l'honneur  qu'il  nous  faut  faire  a  nostre  Seigneur  Iesus  Christ.  Mais  marchons  cependant.  Et  en  quelle  sorte?  Qu'il  nous  souvienne  de  ce  que  dit  l'Apostre  :  Que  tout  ainsi  que  nostre  Seigneur  Iesus  est  sorti  de  la  ville  comme  estant  reiette  de  la  compagnie  des  hommes,  ne  desdaignons  pas  d'estre  semblables  a  luy,  et  de  porter  l'opprobre  et  l'ignominie  de  sa  croix:  car  il  faut  que  les  membres  soyent  conformez  au  corps.  Et  ainsi  advisons  de  marcher  apres  luy:  car  voila  les  vrayes  marques  par  lesquelles  il  nous  recognoist  estre  des  siens.  Et  pour  ce  faire  cognoissons  qu'il  nous  faut  renoncer  au  monde  en  general,  et  a  nous  mesmes:  car  il  n'est  point  question  seulement  de  sortir  de  la  terre.  Il  est  vray  que  cependant  que  Dieu  nous  y  veut  loger,  nous  y  habitons:  mais  quoy  qu'il  en  soit,  il  nous  faut  tousiours  avoir  un  pied  leve  pour  estre  prests,  quand  il  plaira  a  Dieu  de  nous  retirer  a  soy.  Que  si  nous  voulons  estre  heritiers  du  royaume  celeste,  il  nous  faut  estre  pelerins  et  estrangers  au  monde.  Et  qui  plus  est,  il  nous  faut  sortir  de  nous-mesmes,  c'est  a  dire,  que  nous  ne  soyons  point  arrestez  a  nos  affections  ny  prudence,  mais  qu'estans  despouillez  de  toute  vaine  presomption,  nous  ne  demandions  sinon  de  venir  a  Dieu:  et  si  le  monde  nous  reiette  et  se  mocque  de  nous,  comme  nous  voyons  que  les  povres  Chrestiens  sont  auiourd'huy  vilipendez,  qu'on  les  estime  comme  42*