23:662  et  quant  de  leur  propre  bouche  leur  confession  qui  leur  couppe  la  gorge.  Quoy  qu'il  en  soit,  nous  voyons  que  selon  que  ce  passage  est  une  doctrine  et  instruction  singuliere,  que  le  diable  s'est  efforce  a  l'obscurcir,  a  l'embrouiller,  a  la  falsifier:  voire  a  l'abolir  du  tout.  Et  d'autant  plus  de  nostre  coste  nous  faut-il  avoir  tous  nos  sens  esveillez  pour  bien  imprimer  en  nostre  memoire  ce  qui  est  ici  contenu,  et  que  nous  soyons  incitez  a  cela  par  le  serment  solennel  que  Dieu  a  voulu  prononcer.  Car  comme  nous  avons  dit,  ce  n'est  point  sans  cause  qu'il  a  iure  ainsi  par  son  nom.  Mais  c'est  afin  de  nous  donner  confirmation  infaillible  en  nostre  foy,  et  que  nous  ne  doutions  point  qu'en  la  personne  de  son  Fils  unique  tout  ce  qui  est  requis  a  nostre  iustice,  a  nostre  [pag.  56]  paix  et  a  nostre  defense,  ne  nous  amene  iusqu'au  royaume  celeste.  Voila  donc  ce  que  nous  avons  a  retenir.  Il  est  dit  quant  et  quant,  Que  Melchisedec  a  benit  Abram,  voire  en  tant  qu'il  estoit  sacrificateur  du  Dieu  souverain.  Ceste  benediction  emporte  superiorite,  comme  l'Apostre  nous  en  advertit  tres-bien,  quand  il  dit  que  celuy  qui  a  preeminence,  benit  ses  inferieurs.  Il  faut  donc  qu'en  la  qualite  de  sacrificateur  Abram  soit  inferieur  a  Melchisedec.  Or  est-il  ainsi,  qu'Abram  a  este  pere  et  chef  de  l'Eglise:  il  faut  donc  conclure  que  Melchisedec  a  represente  un  plus  grand  que  ne  pouvoit  estre  nul  homme  mortel.  Voila  pourquoy  aucuns  des  Anciens  ont  imagine  que  c'estoit  un  Ange  :  mais  ce  sont  autant  de  folies  et  mesme  de  fatras.  Car  quand  il  est  appele  sacrificateur  du  Dieu  vivant,  il  est  certain  que  c'estoit  un  homme  cognu  au  pais,  et  Roy  de  Salem  aussi  bien.  Cela  donc  est  autant  de  badinage:  mais  quand  c'eust  este  un  Ange,  encore  ne  seroit-il  point  plus  qu'Abram  en  ceste  paternite  generale  de  toute  l'Eglise.  Il  faut  done  revenir  la:  c'est  combien  que  Melchisedec  fust  une  creature  mortelle,  toutesfois  il  a  surmonte  les  Anges  de  Paradis  en  dignite,  a  cause  de  la  sacrificature:  non  point  pour  soy,  mais  pour  celuy  duquel  il  estoit  figure:  comme  David  a  este  plus  grand  que  tous  les  Anges,  quand  il  luy  [pag.  57]  est  dit,  Tu  es  mon  fils,  auiourd'huy  ie  t'ay  engendre.  Cela  n'est  point  dit  d'aucun  Ange,  dit  l'Apostre:  toutesfois  David  estoit  un  povre  pecheur,  fils  d'Adam  comme  les  autres.  Et  comment  donc  est-ce  qu'il  est  icy  esleve  si  haut,  que  les  Anges  luy  sont  submis?  C'est  a  cause  que  ceste  figure-la  represente  la  Maieste  du  Fils  de  Dieu,  et  non  point  seulement  David.  Ainsi  donc  il  nous  faut  venir  a  cela,  que  Melchisedec  ne  sauroit  avoir  preeminence  sur  Abram,  sinon  au  regard  de  la  verite  qu'il  figuroit.  II  faut  donc  conclure  que  Iesus  Christ  a  este  demonstre  deslors,  afin  que  la  foy  des  fideles  fust  du  tout  fondee  en  luy:  pource  qu'il  n'y  a  eu  autre  salut  donne  sous  le  ciel  des  le  commencement,  que  celuy  qui  nous  est  42*