48:661  661  DE  LA  PENTECOSTE.  662  raison  que  tels  fantastiques  veulent  donner  a,  leurs  resveries,  qui  sont  trop  grandes  arrogances  que  Dieu  ne  laissera  pas  impunies.  Oar  combien  que  Dieu  ne  nous  appelle  pas  en  son  conseil  estroit,  pour  nous  declarer  son  vouloir,  et  ce  qu'il  a  delibere  de  faire,  si  est-ce  qu'il  faut  que  nous  scachions  que  nous  sommes  gouvernez  par  sa  main,  et  que  les  meschans  ne  pourront  rien  contre  nous,  sinon  entant  que  Dieu  leur  laschera  la  bride.  Et  toutesfois  il  ne  laisse  pas  cependant  d'y  avoir  un  ordre  en  nature  :  et  ce  n'est  pas  a  dire  que,  quant  a  nous,  il  ne  nous  faille  user  de  conseil.  Car  Dieu  nous  a  declare  qu'il  veut  que  nous  vivions  par  le  pain  qu'il  nous  donne  a  manger,  et  que  remedions  a  la  maladie  par  la  medecine.  Ce  sera  donc  une  outrecuidance  trop  grande,  quand  nous  voudrons  reietter  les  moyens  que  Dieu  nous  donne  pour  remedier  a  nos  infirmitez.  Et  celuy  qui  pensera  s'avancer  par  ce  moyen,  ce  sera  a  sa  ruine  et  confusion.  Car  quand  nous  disons  que  la  providence  de  Dieu  prouvoit  a  toutes  choses,  ce  n'est  pas  pourtant  qu'il  faille  reietter  les  moyens  qu'il  nous  donne.  S.  Pierre  dira  un  peu  apres  ce  passage  qu'il  estoit  impossible  que  la  chair  du  corps  de  Iesus  Christ  peust  tourner  en  putrefaction.  Et  pourquoy?  D'autant  seulement  qu'il  avoit  este  ainsi  ordonne  de  Dieu,  et  non  pas  selon  sa  nature.  Car  quand  il  a  este  concu  au  ventre  de  la  vierge  Marie,  il  a  prins  nostre  mesme  nature  et  a  este  pareil  a  nous  excepte  peche.  Et  par  ainsi  sa  chair  eust  este  suiete  a  corruption  comme  la  nostre,  sinon  que  Dieu  l'eust  ainsi  preveu.  Si  on  contemple  quels  estoyent  les  os  de  Iesus  Christ,  ils  eussent  peu  estre  rompus  et  froissez:  toutesfois  nous  voyons  qu'il  estoit  impossible  qu'ils  le  fussent,  d'autant  que  Dieu  l'avoit  ainsi  ordonne,  et  non  point  selon  leur  nature.  Voyla  qu'il  faut  noter  touchant  ce  qu'on  pourroit  alleguer  de  ce  passage:  non  point  qu'il  faille  aller  speculer  et  inventer  mille  questions  sophistiques  qu%  les  Papistes  scavent  mettre  en  avant:  mais  en  toute  humilite  arrestons-nous  a  considerer  que  non  seulement  Dieu  prevoit  les  choses,  mais  en  dispose  a  sa  volonte.  Et  pourtant  apprenons  de  nous  recommander  a  luy  quand  nous  endurons  de  grans  assaux  de  Satan  et  du  monde,  duquel  il  est  appele  prince.  Et  quand  il  nous  semble  que  les  meschans  nous  doyvent  accabler,  retirons-nous  sous  les  ailes  de  nostre  Dieu,  afin  qu'il  nous  baille  de  quoy  resister,  et  qu'estans  armez  de  sa  vertu  nous  puissions  repousser  toutes  les  tentations  qui  nous  pourront  advenir.  Car  quand  tous  les  diables  et  tous  les  meschans  s'esleveroyent  contre  nous,  il  les  scaura  bien  brider  et  tenir  en  serre,  moyennant  que  nous  ayons  recours  a  luy,  nous  mettans  en  sa  sauvegarde.  Voyla  comme  il  faut  contempler  la  providence  de  Dieu  par  foy,  et  non  point  selon  nostre  sens.  Or