25:661  661  SUR  LE  DEUTER.  CHAP.  I.  662  qu'il  a  eu  pour  venir  au  royaume  des  cieux?  le  voila  attache  en  la  croix,  il  a  et  bras  et  iambes  rompues:  il  semble  donc  que  ce  soit  une  povre  charongne,  il  n'y  a  que  tout  opprobre  en  luy.  Voila  donc  un  miroir  espouvantable,  et  neantmoins  Iesus  Christ  luy  promet  de  le  faire  participant  et  compagnon  de  sa  gloire  celeste.  Et  tout  le  temps  de  sa  vie  quel  a-il  este?  si  execrable  et  devant  Dieu  et  devant  les  hommes,  qu'il  estoit  plus  que  condamne  et  maudit.  Et  ainsi  voulons-nous  estre  heritiers  de  Dieu?  il  faut  que  nous  suyvions  ce  brigand,  lequel  a  este  honore  de  parvenir  devant  nous  en  l'heritage  celeste.  Et  comment?  que  nous  cognoissions  que  de  nature  il  n'y  a  que  toute  iniquite  en  nous,  et  que  Dieu  a  bon  droit  nous  pourroit  tenir  comme  execrables:  et  aussi  que  nous  soyons  la  comme  ayans  et  les  bras  et  les  iambes  rompues,  voire  estans  du  tout  mattez,  que  nous  n'ayons  nulle  puissance  iusques  a  une  seule  goutte,  voire  quant  a  nous:  et  cependant  toutesfois  que  nous  ne  doutions  pas  que  Dieu  ne  nous  recoyve  a  soy,  quand  par  foy  et  d'une  affection  droite  et  pure  nous  nous  conioindrons  a  nostre  Seigneur  Iesus  Christ,  que  nous  le  cognoistrons  pour  nostre  Roy,  et  que  nous  contemplerons  ce  royaume  invisible,  comme  i'ay  desia  dit.  Car  si  ce  povre  brigand  qui  avoit  la  mort  devant  les  yeux,  qui  estoit  en  des  tourmens  si  grands  que  il  est  impossible  de  plus,  qui  se  void  la  comme  execrable  a  tout  le  monde,  s'il  a  eu  sa  confiance  en  Iesus  Christ,  que  devonsnous  faire?  Et  puis  en  quel  estat  estoit  alors  nostre  Seigneur  Iesus  Christ?  Il  le  voit  pendu  en  un  gibet  tout  plain  de  vergongne,  que  tout  le  monde  crache  a  l'encontre,  tout  le  monde  le  despite:  et  toutesfois  combien  qu'il  soit  en  tel  opprobre,  si  est-ce  que  ce  povre  malheureux  ne  laisse  pas  de  contempler  la  vie  en  la  mort,  et  de  dire:  Seigneur,  quil  te  souvienne  de  moy,  quand  tu  viendras  en  ton  royaume.  Or  maintenant  nous  savons  que  Iesus  Christ  qui  est  exalte  a  la  dextre  de  Dieu  son  Pere,  a  l'empire  souverain  sur  toutes  creatures:  que  si  nous  ne  luy  faisons  l'hommage  qui  luy  est  deu,  quand  maintenant  il  est  entre  en  sa  gloire,  nous  n'aurons  point  d'excuse.  Vray  est  qu'il  a  este  pendu  en  un  gibet  plain  d'opprobre:  mais  cependant  nous  voyons  comme  cela  a  este  converti  en  gloire  et  triomphe,  que  la  victoire  qu'il  a  acquise  a  este  plus  magnifique  que  tous  les  triomphes  des  princes  de  la  terre.  Quand  donc  nous  voyons  que  Iesus  Christ  a  aboli  toute  l'ignominie  de  la  croix  par  la  vertu  de  sa  resurrection,  n'est-ce  pas  pour  le  moins  que  nous  contemplions  ce  royaume  auquel  il  habite,  et  ou  il  nous  appelle,  et  lequel  il  nous  a  acquis  tant  cherement?  Voila  donc  comme  il  nous  faut  pratiquer  ce  passage  de  posseder  la  terre  qu'il  nous  a  promise  ei  acquise.  Mais  cependant