23:661  661  SERMONS.  662  a  noz  ames,  du  corps  et  du  sang  de  nostre  Seigneur  Iesus  Christ,  et  que  nous  tenons  toute  nostre  vie  de  la?  Cest  pource  que  le  sacrifice  qui  a  este  offert  un  coup,  ost  la  somme  et  perfection  de  tout  bien.  Si  donc  Iesus  Christ  n'eust  este  offert  au  paravant,  son  corps  ne  nous  seroit  point  auiourd'huy  viande,  son  sang  ne  nous  seroit  point  breuvage.  Et  voila  pourquoy  sainct  Paul  dit  en  la  premiere  des  Corinth,  que  Iesus  Christ  nostre  agneau  paschal  a  este  immole:  mangeons  donc  maintenant.  Voici  Tordre  qu'il  nous  faut  tenir:  c'est  que  l'oblation  precede,  puis  apres  qu'en  vertu  d'icelle  nous  soyons  nourris  et  repeus  du  corps  et  du  sang  de  nostre  Seigneur  Iesus  Christ.  Ainsi  en  toutes  sortes  nous  voyons  que  ces  povres  fantastiques  qui  ont  corrompu  ce  passage  de  Moyse,  n'ont  rien  cognu  de  nostre  Seigneur  Iesus  Christ.  Or  les  Papistes  (comme  ils  ont  este  possedez  de  Satan  [pag.  54],  et  qu'ils  ont  este  mis  en  sens  reprouve  pour  ne  pouvoir  iuger  entre  le  blanc  et  le  noir,  et  mesmes  par  une  iuste  vengeance  de  Dieu,  se  sont  rendus  si  ridicules  que  les  petitz  enfans  leur  pourroyent  cracher  au  visage)  ne  se  sont  point  contentez  de  cest  erreur-la:  mais  ils  y  ont  amene  plusieurs  autres  ordures.  Et  la  dessus  ils  ont  dit  qu'il  faut  offrir  iournellement  pain  et  vin  :  puis  que  la  sacrificature  de  Iesus  Christ  respond  a  celle  de  Melchisedec.  En  quoy  en  premier  lieu  ils  sont  convaincus  d'une  sotise  trop  lourde  par  leur  propre  bouche.  Car  ils  disent  qu'en  leur  Messe  il  n'y  a  ne  pain  ne  vin  apres  qu'ils  ont  charme  leur  hostie  qu'ils  appellent,  ains  voila  un  dieu.  Et  combien  qu'on  voye  du  pain,  et  combien  que  le  vin  se  goutte,  ils  disent  que  ce  sont  especes,  c'est  a  dire  des  figures  apparentes,  la  ou  ii  n'y  a  nulle  substance.  Ils  veulent  donc  faire  a  croire  qu'il  n'y  a  ne  pain  ne  vin,  que  les  yeux  sont  esblouys,  et  le  goust,  et  tous  les  sens.  Et  cependant  ils  font  a  croire  que  tout  est  anichile,  quand  ils  ont  prononce  les  motz  qu'ils  appellent  sacramentaux.  Que  s'il  faloit  offrir  pain  et  vin,  ou  sont-ils?  car  ils  disent  qu'il  n'y  en  a  point.  Et  cependant  ils  alleguent  ce  passage,  et  disent  qu'il  faut  offrir  pain  et  vin.  Nous  voyons  donc  leur  bestise  estre  si  lourde,  que  les  petitz  enfans  s'en  peuvent  mocquer  et  estre  leurs  Iuges  [pag.  55].  Et  au  reste,  s'ils  veulent  trouver  correspondance  entre  Melchisedec  et  nostre  Seigneur  Iesus  Christ,  il  faut  que  ce  que  nous  avons  allegue  du  Pseaume,  demeure  en  son  entier:  c'est  qu'il  n'y  ait  qu'un  seul  Sacrificateur,  puis  qu'il  a  este  institue  par  serment  particulier.  Il  faut  donc  qu'il  retiene  tousiours  son  office:  mais  ils  se  font  sacrificateurs  en  la  place  de  nostre  Seigneur  Iesus  Christ.  Ainsi  donc  la  similitude  est  mise  bas.  Et  pourtant  il  ne  faut  autres  repliques  ny  argumentz  pour  reietter  leur  bestise,  sinon  de  prendre  le  texte  tel  qu'il  est:  et  puis  prendre  quant