8:660  essentiam  formae,  et  formam  suam  ab  aeterno  retinet,  formam  hominis:  nec  confusam,  nec  imminutam,  nec  alteratam.  Obsecro  te,  id  omnipotentiae  Dei  tribuas,  ut  idealem  Ulam  animae  tuae  rationem,  quae  hominis  alicuius  formam  tibi  interne  refert,  possit  Deus  externe  in  aere  lucentem  et  visibilem  exhibere.  Hinc  sinc  materiali  corporatura  cognosces,  idealem  rationem  exhibitam,  hypostatice  subsistentem,  formam  hominis.  Formam  hominis  fulgorem  divinum,  qui  ut  homo  conspiciendus,  ut  homo  se  olim  exhibebat.  Nihil  horum  in  verbo  tu  agnoscis,  sed  procaciter  urges,  fuisse  realem,  distinctum,  invisibilem  filium,  actione  reali  genitum.  Sed  unde  hoc  probas?  [pag.  591]  Nec  iota  unum  habes,  quo  filium  alium  ab  homine  doceas.  Non  substantialiter  in  patre  filium  hominem  fuisse  dicimus,  non  tamen  realibus  tuis  motibus  et  punctis.  Naturalis  erat  Deo  scientia,  ut  speculo  relucentia,  naturaliter  referens,  substantialiter  et  primario  Christum  continens.  Naturalis  illa  relucentia-,  idea  naturalis,  et  per  se  prima  dici  potest,  ut  Christo  dicitur  εἶδος,  et  sicut  idea  est  mentis  ratio  λόγος.  Si  λόγον  in  Deo  dici  idealem  rationem  tibi  non  placet,  dicatur  sermo  repraesentans,  dicatur  cum  Paulo  relucentia,  fulgor,  splendor,  refulgentia.  Nullibi  sane  dicitur  esse  hoyoc,  seu  ratio,  quin  sit  idealis  ratio,  relucentia  rei  alterius.  Omnis  quoque  sapientia  est  naturalis  relucentia.  In  aeterna  Dei  luce  relucebat  Christus  gloriose,  ob  id  dictus  relucentia  gloriosa,  Hebr.  1.  Erat  Christus  in  Deo  prima  refulgentia,  prima  omnium  potentia,  omnia  continens  sapientia,  omnibus  in  creatione  suum  ordinem  praebens,  velut  ex  se  ipsa  scriptum  depromens.  In  verbo  erant  omnia  per  creationem  ex  invisibilibus  facta  visibilia,  et  verbum  ipsum,  antea  invisibile,  se  exhibuit  visibile:  prius  occulta  ratio,  deinde  manifestus  sermo.  Exstitit  lumen  de  lumine,  lumen  apparens  de  lumine  non  apparente.  Idea  Christi,  antea  imperceptibilis,  se  postea,  ut  corpus  verbi,  perceptibilem  exhibuit,  visibilem  et  tangibilem.  Spiritus  quoque  in  archetypo  divinus,  ut  spiritus  idea  imperceptibilis  exsistens,  post  creationem  se  perceptibilem  exhibuit,  et  omnia  implevit.  Ea  res  nullam  Dei  in  se  ipsum  arguit  realem  actionem,  aut  sufflationem,  sed  in  creaturas.  Quid  igitur,  inquies,  ante  creationem  agebat  Deus?  Id  ipsum,  quod  nunc  agit.  Sibi  iam  erant  omnia  praesentia,  et  creaturas  suas  iam  tunc  attingebat.  Sine  tempore  Deus  est  actus  aeternus,  in  creaturas  semper  agens.  Se  ipsum  autem  non  ita  immutabat,  ut  tu  cum  sophistis  illusus  intrinsecas  reales  actiones  et  derivationes  fingis.  Si  erat  ibi  actio,  erat  et  passio.  Ante  creationem,  si  Deum  in  se  ibi  consideres,  non  erat  eius  [pag.  592]  in  se  ipsum  actus  aliquis,  non  actio  aliqual)  realis.  Non  erat  spiratio  passiva,  non  res  aliqua  spirata.  Non  erat  1)  actus  aliquis.