48:660  faire,  sinon  entant  que  Dieu  leur  lasche  ia  bride:  comme  l'on  voit  que  ces  meschans  ne  passent  point  les  limites  que  Dieu  leur  a  donnez.  Or  ce  qui  est  dit  de  Iesus  Christ,  il  le  faut  aussi  bien  applicquer  k  nostre  usage.  Car  luy  mesme  tesmoigne  que  les  petis  passereaux  ne  tomberont  point  sans  son  ordonnance.  Si  donc  ainsi  est  que  la  providence  de  Dieu  s'estend  iusques  a  ces  petites  besteletes,  il  s'ensuit  qu'il  n'adviendra  rien  que  Dieu  n'ait  ordonne.  Puis  il  adiouste  que  les  cheveux  de  nostre  teste  sont  contez.  En  quoy  il  signifie  le  soin  qu'il  ha  de  nous,  et  puis  que  nous  sommes  membres  de  Iesus  Christ  et  que  nous  luy  attouchons  de  pres,  il  veut  que  nous  cognoissions  qu'il  nous  tient  pour  ses  enfans.  Car  combien  que  ce  monde  soit  comme  la  maison  de  Dieu,  et  qu'il  en  soit  le  Pere  de  famille,  si  est-ce  qu'il  ha  son  Eglise  en  singuliere  recommandation,  et  d'icelle  ha  un  soin  special.  Ainsi  donc  nous  voyons  comme  il  nous  faut  penser  a  ceste  providence  de  Dieu:  c'est  ascavoir  que  S.  Pierre  n'a  point  voulu  mettre  en  avant  des  choses  fantastiques  et  puis  chercher  mille  subtilitez  qui  ne  servent  d'aucune  edification.  Il  n'y  a  point  voulu  proceder  en  telle  sorte,  mais  il  monstre  que  Dieu  a  si  bien  prouveu  a  nostre  salut,  que  nous  n'avons  que  faire  de  chercher  autre  moyen  que  celuy  qu'il  nous  a  ordonne.  Puis  il  veut  signifier  que  nous  sommes  tellement  en  la  main  de  Dieu  et  en  son  refuge,  qu'on  ne  peut  rien  contre  nous  sinon  ce  qu'il  en  a  determine.  Autrement  que  seroit-ce  de  nous?  Si  nous  estions  conduits  par  fortune  (comme  les  phrenetiques  l'estiment)  nostre  condition  seroit  plus  malheureuse  que  celle  des  bestes  brutes.  Mais  quand  nous  scavons  que  Dieu  gouverne  tout,  ce  nous  doit  estre  une  grande  consolation,  et  nousnous  y  pouvons  bien  appuyer.  Nous  voyons  donc  que  c'est  une  vertu  bien  necessaire  que  nous  cognoissions  la  providence  de  Dieu.  Et  pourtant  il  nous  faut  considerer  que  tout  ainsi  que  Iesus  n'a  rien  souffert  sans  la  permission  Divine,  aussi  tout  ce  qui  nous  adviendra  vient  de  Dieu.  Voyla  ce  qu'il  nous  faut  noter  de  ce  passage.  Et  mesmes  il  nous  faut  bien  poiser  ce  mot  de  Conseil  II  est  vray  qu'aucuns  parleront  bien  de  la  providence  de  Dieu,  mais  ils  n'en  auront  qu'un  fol  cuider:  car  ils  pensent  qu'il  se  repose  la  haut  au  ciel,  et  que  cependant  il  laisse  dominer  yci  bas  fortune  ou  nature.  Or  au  contraire  il  nous  est  yci  declare  que  Dieu  ordonne  tout  et  dispose  des  choses  ainsi  qu'il  luy  plaist.  Vray  est  que  cela  nous  est  incognu  et  nous  ne  le  pouvons  pas  comprendre^  mais  il  nous  faut  contenter  de  scavoir  qu'il  en  est  le  gouverneur,  et  il  ne  faut  point  faire  comme  d'aucuns  resveurs  qui  disent,  Et  Dieu  scait  qu'il  adviendra,  nous  n'y  scaurions  mettre  ordre,  pourquoy  donc  userons-nous  de  conseil  et  d'avis?  Voyla  la