35:660  vient  au  devant,  et  nous  declare,  quoy  qu'il  en  soit,  que  la  grace  de  Dieu  viendra  a  son  effet,  et  sera  accomplie.  Combien  donc  que  lo  diable  machine  d'empescher  que  la  mort  et  passion  de  nostre  Seigneur  Iesus  Christ  ne  nous  profite,  et  qu'elle  ne  produise  son  fruit  en  nous:  combien  que  de  nostre  coste  nous  soyons  si  malins  et  pervers  que  de  nous  en  destourner,  tellement  qu'il  semble  que  nous  la  veuillions  faire  inutile:  tant  y  a  que  Dieu  surmontera  par  sa  bonte  infinie.  En  somme  le  Prophete  a  voulu  dire  en  ce  passage  que  non  seulement  la  mort  et  passion  de  nostre  Seigneur  Iesus  Christ  a  este  suffisante  pour  le  salut  du  monde,  mais  que  Dieu  la  fera  valoir,  et  que  nous  en  verrons  le  fruit,  et  le  sentirons  mesmes  et  experimenterons.  De  la  nous  avons  a  recueillir  qu'il  y  a  tousiours  Eglise  au  monde,  et  que  le  diable  pourra  bien  brasser,  et  faire  tous  ses  efforts  pour  renverser  l'edifice  de  Dieu,  mais  quoy  qu'il  en  soit,  si  faut-il  que  Iesus  Christ  viene  au  dessus,  et  que  la  grace  de  laquelle  il  a  este  ministre  et  dispensateur,  profite  et  soit  accomplie  entre  les  hommes.  Et  c'est  ce  qui  est  dit  au  Pseaume  2,  Pourquoy  les  Rois  de  la  terre  se  sont-ils  eslevee?  Et  pourquoy  ont-ils  fait  complots  avec  les  peuples?  Si  faut-il  que  Dieu  en  la  fin  execute  son  conseil.  Il  est  vray  qu'ils  machineront  beaucoup,  mais  celuy  qui  habite  au  ciel  se  mocquera  d'eux  iusques  a  ce  qu'il  desploye  son  bras  en  son  ire.  Ainsi  donc  notons  bien  qu'yci  le  sainct  Esprit  nous  a  voulu  certifier  que  la  mort  et  passion  de  nostre  Seigneur  Iesus  Christ  aura  tousiours  son  efficace,  afin  que  l'Eglise  de  Dieu  demeure,  et  qu'elle  ne  soit  iamais  ruinee  par  les  assauts,  orages  et  tourbillons  que  les  ennemis  luy  pourrons  susciter  avec  leur  chef  Satan.  Et  mesme  ce  mot  de  prosperite  est  mis  pour  monstrer  que  Dieu  fera  florir  la  mort  et  passion  de  nostre  Seigneur  Iesus  Christ,  afin  qu'elle  fructifie  de  plus  en  plus:  et  quand  il  semblera  qu'elle  soit  aneantie  du  tout,  que  Dieu  la  relevera,  et  surmontera  tout  ce  qui  la  pourroit  empescher  de  parvenir  a  son  but.  Et  au  reste  nous  devons  aussi  bien  applicquer  ceci  a  un  chacun  de  nous  et  ne  point  douter  que  combien  que  nous  trainions  les  ailes,  et  soyons  encores  tenus  captifs  sous  le  peche,  Dieu  toutesfois  nous  delivrera  de  la  captivite  en  laquelle  nous  sommes,  parfera  ce  qu'il  a  commence  en  nous,  et  corrigera  ce  qui  y  defaut  encores.  Et  comment?  Il  nous  faut  venir  a  nostre  Seigneur  Iesus  Christ:  car  c'est  luy  qui  y  met  la  main,  comme  la  charge  luy  en  est  commise,  et  il  a  receu  cest  office-la  de  Dieu  son  Pere.  Contentons  -  nous  donc  que  puis  qu'il  est  ordonne  ministre  de  nostre  salut,  il  n'y  aura  nulle  faute  qu'il  ne  soit  accompli  par  son  moyen,  d'autant  qu'il  est  ainsi  determine.  Or  ce-