23:660  sentie  et  experimentee  devant  qu'il  fust  manifeste  en  chair)  ne  doutans  point,  combien  que  nous  soyons  absens  de  luy,  et  qu'il  y  ait  longue  distance  entre  le  ciel  et  la  terre:  toutes  fois  que  nous  serons  tousiours  vivifiez  de  sa  vie,  que  nous  serons  enrichis  de  ses  biens,  soustenus  et  preservez  pstr  sa  vertu.  Car  si  le  soleil,  qui  n'est  qu'une  creature  insensible,  fait  fructifier  la  terre,  qu'il  l'eschauffe,  et  que  nous  sommes  nourris  et  sustentez  de  Dieu  par  son  moyen:  que  sera-ce  de  Iesus  Christ  au  pris,  qui  n'est  point  une  creature  insensible,  qui  n'est  point  mesmes  une  creature,  mais  qui  est  Dieu  manifeste  en  chair,  qui  est  nostre  Mediateur  auquel  le  Pere  a  voulu  mettre  tout  ce  qui  estoit  requis  a  nostre  felicite?  Voila  en  somme  ce  que  nqus  avons  a  retenir.  Or  au  lieu  que  les  Papistes,  et  tous  ceux  qui  se  sont  intitulez  Chrestiens,  doivent  estre  enseignez  par  ce  passage  de  Moyse,  que  Iesus  Christ  est  seul  Roy  et  Sacrificateur,  lequel  nous  a  uniz  k  Dieu  son  Pere  [pag.  52],  et  lequel  fait  aussi  que  le  Pere  nous  tienne  sous  sa  defense,  ils  ont  converti  au  rebours  tout  ce  qui  est  ici  dit.  ,Et  cest  erreur  n'a  point  commence  par  les  Papistes,  il  ne  leur  faut  point  imputer  plus  qu'il  n'y  a:  car  ils  ont  assez  de  leurs  blasphemes  pour  les  condamner  cent  fois.  Mais  c'est  pitie,  que  le  diable  a  regne  en  telle  sorte,  qu'il  y  a  desia  quatorze  cens  ans  qu'il  a  tellement  aveugle  ceux  qui  se  nommoyent  Chrestiens,  qu'ils  sont  ici  venu  inventer  une  fantaisie  de  sorciers,  que  Iesus  Christ  a  este  figure  en  la  personne  de  Melchisedec,  et  que  son  corps  est  le  pain  celeste,  et  que  son  sang  est  le  vin  pour  la  nourriture  des  ames,  et  qu'il  a  offert  l'un  et  l'autre.  Or  de  prime  face  ceste  allegorie  plaira  a  ceux  qui  ont  les  aureilles  chatouilleuses  :  comme  Iesus  Christ  intitule  son  corps  pain,  et  son  sang  vin.  Cela  donc  semble  assez  bien  convenir,  que  Melchisedec  ait  offert  du  pain  et  du  vin,  d'autant  que  le  corps  de  Iesus  Christ  devoit  avoir  ceste  vertu  en  soy  de  nous  paistre,  et  son  sang  aussi  de  vivifier  noz  ames  :  mais  il  n'est  pas  question  ici  de  quelque  oblation  faite  a  Dieu.  Moyse  dit  que  Melchisedec  Roy  de  Salem  a  offert  pain  et  vin,  c'est  a,  dire  qu'il  l'a  presente  a  Abram.  Il  faudroit  ici  qu'Abram  fust  Dieu,  d'autant  que  l'oblation  s'adresse  a  sa  personne:  et  puis  ce  n'estoit  pas  pour  luy  seul,  mais  pour  toute  sa  compaignie.  Voila  donc  une  [pag.  53]  liberalite  royale  quand  Abram  a  este  recueilli  par  Melchisedec.  D'aller  rapporter  cela  a  Dieu,  c'est  tout  pervertir,  comme  nous  voyons.  Et  au  reste,  nostre  Seigneur  Iesus  Christ  a  offert  son  corps  et  son  sang,  non  pas  qu'au  paravant  ils  eussent  este  pain  et  vin:  mais  a  cause  de  l'oblation  qu'il  en  a  faite,  ils  sont  dits  pain  et  vin:  c'est  a  dire  ils  ont  la  vertu  et  nature  de  pain  et  vin  envers  nous.  Pourquoy  est-ce  que  nous  sommes  substentez  quant