7:66  bien,  que  c'est  une  imperfection  et  mauvaise  tache  en  une  Eglise,  quand  cest  ordre  n'y  est  point.  Toutesfoys  nous  ne  laissons  pas  de  la  tenir  pour  Eglise,  et  de  persister  en  la  communion  d'icelle:  et  tenons  qu'il  n'est  loisible  a  un  homme  particulier  de  s'en  separer.  Or  pource  qu'il  ne  suffit  pas  de  dire:1)  advisons  si  nous  n'aurons  pas  bonne  approbation  de  nostre  doctrine  a  l'Escriture.  Car  ie  me  submectz  volontiers  a  ceste  condition,  [page  35]  qu'on  ne  croye  rien  de  ce  que  ie  diray,  sinon  qu'on  aye  le  tesmoignage  de  l'escriture.  La  question  donc  premiere  est,  assavoir,  si  on  doit  tenir  pour  Eglise  Chrestienne  une  compagnie,  laquelle  n'aura  pas  l'usage  de  l'excommunication  telle  que  le  Seigneur  Iesus  Ta  ordonne.  Certes  ce  deffaut  la  estoit  a  Corinthe,  du  temps  que  sainct  Paul  leur  escrivoit,  comme  il  le  monstre  et  s'en  complaint.  Neantmoins  si  leur  faict  il  cest  honneur  d'appeller  leur  congregation  Eglise  Chrestienne.  Il  y  avoit  diverses  sectes  et  bendes:  l'ambition  et  avarice  y  regnoit  entre  plusieurs.  Ilz  estoyent  a  se  manger  les  uns  les  autres  par  procez.  Un  crime  qui  eust  este  execrable  entre  les  Payens,  non  seulement  y  estoit  tolere,  mais  quasi  approuve.  Qui  plus  est,  outre  une  telle  corruption  des  meurs,  il  y  avoit  aussi  bien  des  fautes  en  la  doctrine.  Sainct  Paul  neantmoins  ne  parlant  pas  de  soy-mesme,  mais  comme  bouche  et  organe  du  sainct  Esprit,  intitule  son  epistre:  a  l'Eglise  Chrestienne  qui  est  a  Corinthe  (1  Cor.  1,  2;  2  Cor.  1,  1).  Qui  sera  maintenant  celuy  de  nous  qui  entreprendra  d'estre  plus  severe  que  Dieu,  en  iugeant?  Celuy  qui  l'osera  faire,  monstrera  bien  sa  temerite:  mais  il  ne  changera  rien  de  ce  que  Dieu  en  a  prononce  une  foys.  Que  dirons  nous  [page  36]  des  Galatiens?  Nous  savons  la  confusion  et  le  desordre  qui  y  estoit.  Mais  cela  n'empesche  pas  sainct  Paul  d'y  recongnoistre  Eglise  (G-al.  1,  2).  Il  nous  faut  bien  estudier,  entant  qu'en  nous  est,  de  venir  a  la  perfection,  laquelle  doit  estre  au  corps  de  Christ.  Mais  quant  et  quant  il  ne  nous  faut  pas  attendre  autre  estat  ou  condition  en  l'Eglise,  que  celuy  qui  nous  a  este  predict  par  la  verite  infalible.  Ne  nous  abusons  pas  donc,  d'imaginer  une  Eglise  parfaicte  en  ce  monde:  puis  que  nostre  Seigneur  Iesus  a  une  foys  denonce,  qu'elle  sera  semblable  a  une  aire,  en  laquelle  les  bons  grains  sont  tellement  mesles  parmy  la  paille,  que  souvent  ilz  n'apparoissent  point  (Matth.  3,  12)2).  Item,  qu'elle  sera  semblable  a  un  retz  ou  diverses  sortes  de  poissons  sont  congregees  (Matth.  13,  47).  Ces  similitudes  nous  enseignent,  que  com-  1)  verbo  asserere.  2)  II  est  probable  que  V  autem  a  eu  plutot  en  vue  Matth.  13?  24.  5