58:66  par  un  arrest  irrevocable:  assavoir,  qu'il  faut  que  Iacob  domine,  et  qu'il  soit  heritier  de  la  promesse:  et  que  cependant  Isaac  n'en  tiene  conte.  Or  ici  nous  voions  que  les  Iuifs  sont  par  trop  aveugles:  se  glorifions  en  leurs  peres,  comme  si  la  dignite  qu'ils  ont  eue  autrefois  fust  venue  de  la  sainctete  ni  de  la  vertu  des  hommes.  Car  il  est  certain  qu'Isaac,  entant  qu'en  lui  estoit,  a  renverse  l'election  de  Dieu  :  non  pas  qu'il  Tait  voulu  faire:  car  qui  j  l'eust  interrogue,  Et  comment?  faut  il  que  tu  resistes  a  Dieu?  Empescheras-tu  qu'il  ne  mette  en  execution  ce  qu'il  a  prononce?  Changeras-tu  ce  qu'il  a  prononce  par  sa  bouche?  Il  eust  dit,  Nenni:  et  aussi  son  intention  n'estoit  pas  telle.  Mais  quoy  qu'il  en  soit,  il  est  la  pousse  et  ravi.  Ainsi  donc  il  ne  faut  pas  dire  qu'Isaac  ait  voulu  aider  l'election  de  Dieu,  ni  l'avancer:  mais  au  contraire,  il  la  reculoit.  Or  par  cela  nous  voions  qu'il  faut  'que  toute  bouche  soit  close,  et  que  les  hommes  ne  pretendent  point  d'avoir  rien  eu  en  leurs  personnes,  pour  dire,  que  Dieu  leur  confermast  le  bien  qu'il  leur  avoit  desia  donne.  Bref,  en  cela  nous  voions  que  tout  ainsi  que  l'election  de  Dieu  est  gratuite  en  son  origine  et  en  son  premier  fondement,  et  en  sa  force,  aussi  que  iusques  a  la  fin  il  faut  que  Dieu  monstre  qu'il  n'y  a  que  sa  seule  misericorde:  et  que  tout  ce  qui  est  dit  du  coste  des  hommes  cesse  et  soit  aboli:  et  que  ce  n'est  point  du  vueillant  ne  du  courant,  comme  dit  saint  Paul,  Rom.  9.  Voila  ce  que  nous  avons  a  retenir.  Or  cependant  nous  voions  aussi  la  fermete  qui  est  en  ce  conseil  de  Dieu  par  lequel  il  choisit  ceux  que  bon  lui  semble.  Ainsi,  nous  avons  a  nous  resoudre,  encores  que  tout  le  monde  taschast  a  renverser  nostre  salut,  qu'il  demeurera  infallible,  moiennant  que  nous  aions  tousiours  nostre  refuge  a  ce  qui  a  este  remonstre  par  ci  devant:  C'est  que  nostre  Seigneur  Iesus  Christ  a  prins  en  garde  tout  ce  que  le  Pere  lui  a  donne,  comme  estant  sien:  et  que  rien  n'en  perira,  d'autant  que  Dieu  est  plus  fort  que  les  hommes:  car  c'est  la  qu'il  nous  ramene,  Le  Pere  qui  vous  a  donne  a  moy,  est  plus  fort  que  tous.  Ainsi  donc,  que  nous  apprenions  de  nous  appuyer  du  tout  sur  la  vertu  invincible  de  Dieu,  quand  il  est  question  d'estre  asseurez,  qu'en  l'invoquant  nous  serons  exaucez,  et  que  nous  ne  doutions  point  que  comme  il  nous  a  introduits  au  bon  chemin  il  nous  donnera  perseverance:  et  encores  que  nous  soions  debiles  et  fragiles,  il  ne  souffrira  point  que  nous  defaillions:  mais  que  nous  serons  tousiours  conduits  en  sorte  que  de  plus  en  plus  il  augmentera  sa  vertu  en  nous.  Il  faut  que  nous  en  venions  la:  C'est,  que  non  seulement  Iacob  a  eu  pour  ennemis  ceux  qui  n'avoient  point  de  crainte  de  Dieu  ne  de  religion,  mais  son  propre  pere  Isaac,  voire  qui  estoit  alors  comme  chef  en  l'eglise:  Dieu  lui  avoit  mis  comme  en  depost  son  alliance,  afin  qu'il  en  fust  le