54:66  strer  comme  nous  avons  a  nous  maintenir  en  l'esperance  de  salut,  c'est  ascavoir  quand  la  doctrine  de  Dieu  sera  bien  conservee  en  sa  purete  naifve,  qu'on  ne  la  falsifiera  point  en  facon  que  ce  soit,  qu'elle  ne  sera  point  desfiguree  par  inventions  estranges,  mais  qu'on  cognoistra,  Voila  l'Evangile  tel  qu'il  a  este  publie  par  les  Apostres.  Mais  afin  que  nous  retenions  mieux  ceste  admonition,  pensons  a  ce  que  i'ay  dit:  car  il  y  en  a  bien  peu  qui  cognoissent  que  la  parole  de  Dieu  soit  la  pasture  de  leurs  ames:  non  point  que  chacun  ne  le  confesse  de  bouche,  mais  cependant  nous  n'y  pensons  gueres.  Et  de  faict,  nous  aurons  un  grand  souci  pour  nostre  boire  et  pour  nostre  manger.  Si  un  homme  voit  qu'on  luy  vueille  ravir  son  disner,  il  mettra  la  main  a  l'espee  :  et  cependant,  s'il  est  question  de  la  doctrine  de  vie,  que  nous  voyons  manifestement  que  le  diable  la  voudroit  empoisonner,  ou  bien  qu'il  nous  prive  de  ce  qui  estoit  pour  nous  entretenir  au  royaume  de  Dieu,  il  ne  nous  en  chaut:  nous  souffrirons  les  faux-prophetes  et  seducteurs,  mesmes  ils  seront  les  bien  venus  entre  nous,  et  nous  l'avons  veu.  N'avonsnous  point  ici  apperceu  que  ces  meschans  heretiques  ont  trouve  des  amis,  comme  s'ils  eussent  este  leurs  cousins  germains,  qu'on  leur  a  applaudi?  Et  qui?  Ceux  qui  font  semblant  d'estre  a,  l'Evangile.  Or  tant  y  a  que  la  chose  est  toute  notoire  que  le  diable  les  suscitoit  afin  de  nous  faire  pis  que  s'il  nous  coupoit  les  gorges.  Ainsi  nous  voyons  qu'il  y  en  a  bien  peu  qui  scachent  garder  ce  que  dit  ici  sainct  Paul:  car  ils  ne  cognoissent  point  aussi  la  necessite  qu'ils  ont  de  ceste  admonition.  Que  faut-il  doncques?  En  premier  lieu  cognoissons  que  les  povres  ames  n'ont  nulle  vie  sinon  d'autant  qu'elles  la  recoivent  par  la  parole  de  Dieu:  et  comme  nostre  Seigneur  nous  retire  de  la  mort  par  ce  moyen-la,  aussi  il  nous  conserve  en  l'esperance  de  salut,  et  nous  y  fortifie  iournellement.  Brief,  comme  nous  avons  besoin  d'estre  substantez  quant  au  corps,  de  pain  et  de  viande,  aussi  faut-il  que  nos  ames  soyent  entretenues  par  la  parole  de  Dieu,  et  par  la  pure  doctrine  de  l'Escriture  saincte.  Puis  qu'ainsi  est  que  nous  sommes  estonnez  quand  nous-nous  trouvons  privez  du  boire  et  du  manger,  que  nous  pensions  a  ce  qui  nous  doit  estre  beaucoup  plus  excellent:  car  nos  ames  sont  plus  precieuses  que  nos  corps.  Et  la  dessus  cognoissons  les  astuces  de  Satan  (comme  i'ay  desia  dit),  qu'il  ne  cesse  (comme  c'est  son  office,  et  son  propre  naturel)  de  tout  depraver,  et  convertir  la  clarte  en  tenebres,  que  s'il  luy  est  possible,  il  nous  abbruvera  de  ses  mensonges,  que  tout  sera  rempli  d'erreurs,  et  ce  sont  autant  de  poisons  mor-  5  66