51:66  ont  amene  cela  en  avant:  car  ils  ont  dit  que  c'est  une  grande  cruaute  a  Phomme  s'il  ne  se  peut  renger  a  supporter  les  infirmitez  de  ses  compagnons,  veu  qu'il  n'y  a  celuy  qui  ne  soit  infirme  de  son  coste.  Il  seroit  impossible  que  deux  hommes  puissent  vivre  au  monde  s'ils  n'estoyent  patiens  l'un  envers  l'autre,  pour  se  supporter  mutuellement.  Et  ceux  qui  cuident  estre  les  plus  parfaits,  ils  trouveront  qu'il  faut  qu'eux  mesmes  se  supportent.  Car  si  nous  sommes  du  tout  stupides,  il  est  certain  que  nous  hairons  le  mai  qui  est  en  nous.  Et  il  ne  faut  point  que  quelqu'un  vienne  pour  nous  fascher  et  molester:  mais  chacun  aura  des  chagrins  en  soy,  qu'il  se  despitera  contre  ses  imperfections.  Puis  qu'ainsi  est  donc,  que  reste-il  sinon  que  cela  nous  induise  a  traitter  en  douceur  et  mansuetude  ceux  qui  sont  ainsi  tresbuchez  par  infirmite?  Voila  donc  ce  que  nous  devons  bien  ici  noter.  Et  de  faict  quand  nous  aurons  bien  cerche  qui  est  cause  que  beaucoup  s'enflambent  ainsi  avec  un  zele  desborde,  et  qu'ils  tempestent  iusques  au  bout  contre  les  petites  fautes,  c'est  d'autant  qu'ils  ne  pensent  point  a  eux-mesmes.  Or  voici  Tordre  qu'il  nous  faut  tenir,  ce  est  premierement  que  nous  condamnions  le  mal  partout  ou  il  sera.  Voila  pour  un  item.  Car  si  nous  condamnons  seulement  le  mal  en  cestui-ci  ou  en  cestui-la,  et  que  nous  le  coulions  en  d'autres,  c'est  signe  que  nous  ne  sommes  point  menez  d'une  droicte  affection,  a  fin  que  Dieu  soit  servi  et  honore:  mais  qu'il  y  a  quelque  malice  cachee,  qu'il  y  a  quelque  rancune,  comme  dit  Salomon,  que  les  inimitiez  descouvrent  les  vices,  et  que  chacun  taschera  a  blasmer  celuy  auquel  desia  il  porte  quelque  dent.  Voila  donc  la  premiere  reigle  qu'il  nous  faut  observer,  c'est  de  condamner  le  mal  partout  ou  ii  se  trouvera,  voire  d'autant  qu'il  est  contraire  a  Dieu.  Voila  pour  un  item.  Or  le  second  c'est  que  nous  facions  examen  chacun  de  soy.  Car  selon  que  le  mal  est  plus  prochain  de  nous,  ii  est  certain  que  nous  le  devons  tant  plus  hair.  Si  ie  voy  quelque  contempteur  de  Dieu,  ie  seray  angoisse  beaucoup  plus  que  s'il  estoit  a  dix  lieues  loin,  et  que  ie  ne  cognusse  point  ses  fautes.  Or  maintenant  il  faut  regarder  a  nous.  Car  prenons  ceste  similitude,  selon  que  nous  sommes  prochains,  et  selon  qu'il  y  aura  plus  de  privaute  entre  ies  hommes,  il  faut  que  nous  pratiquions  ce  que  desia  nous  avons  dit,  c'est  a  scavoir  qu'un  chacun  remonstre  les  fautes  a  celuy  qui  aura  failli:  car  Dieu  nous  a  conioints  ensemble  a  ceste  condition-la  que  si  i'ay  quelque  ami,  il  faut  que  ie  le  redresse  plustost  qu'un  estranger.  Or  maintenant  qui  est-ce  qui  m'est  plus  prochain  quand  il  est  question  de  condamner  le  mal,  sinon  moy-mesme?  Voila  donc  en  quoy  on  cognoistra  que  nous  cerchons  que  Dieu  5