50:66  Scire  igitur  terrorem  Domini  est  esse  participem  illius  cogitationis,  quod  semel  reddenda  sit  ratio  coram  Christi  tribunali.  Nam  qui  hoc  serio  meditatur,  necesse  est  ut  tangatur  timore  et  neglectum  omnem  excutiat.  Testatur  ergo  se  defungi  suo  apostolatu  fideliter  et  pura  conscientia:  ut  qui  de  reddenda  ratione  cogitans  in  timore  Domini  ambulet.  Quoniam  autem  iactare  poterant  adversarii:  Tu  quidem  magnifice  te  extollis,  sed  quis  videt  quod  praedicas?  ad  hoc  respondet,  se  quidem  agere  opus  doctoris  in  conspectu  hominum:  sed  Deo  notum  esse,  qua  animi  sinceritate  agat.  Ac  si  diceret:  Sicuti  os  meum  loquitur  hominibus,  ita  cor  meum  Deo.  Confido  autem.  Species  correctionis.  Iam  enim  iactat  se  non  modo  Deum  habere  testem  suae  integritatis,  sed  ipsos  etiam  Corinthios,  quibus  experimentum  sui  dederat.  Duo  igitur  hic  sunt  observanda:  non  sufficere  si  quis  honeste  et  strenue  se  gerat  inter  homines,  nisi  rectus  sit  animus  coram  Deo:  secundo  inanem  esse  iactantiam,  ubi  deest  testimonium  ipsius  rei.  Nulli  enim  audaciores  sunt  ad  omnia  sibi  arroganda  quam  qui  nihil  habent.  Ergo  qui  sibi  fidem  haberi  vult,  opera  proferat,  quae  fidem  eius  dictis  faciant.  Plus  autem  est  in  conscient  i  i  s  esse  mani  fe  s  t  um  quam  experimentis  notum  esse.  Conscientia  enim  longius  penetrat  quam  carnis  iudicium.  12.  Non  enim  commendamus.  Confirmat  quod  proxime  dixit:  et  simul  praevenit  calumniam.  Videri  enim  poterat  nimiam  habere  curam  suae  laudis,  quod  toties  de  se  verba  faceret.  Imo  verisimile  est  hoc  fuisse  illi  obiectum  ab  improbis.  Nam  quod  dicit  non  commendamus  nos  iterum:  tanquam  ex  eorum  persona  loquitur.  Commendare  in  malam  partem  accipitur  pro  iactare  aut  venditare.  Quum  addit  se  occasionem  illis  dare  g  l  o  r  i  a  n  d  i  :  primum  significat,  eorum  se  causam  magis  quam  suam  ipsius  agere,  quod  totum  in  eorum  gloriam  cedat  :  et  rursum  oblique  taxat  eorum  ingratitudinem,  quod  non  agnoscerent  suarum  esse  partium  eius  apostolatum  sponte  magnifacere,  ne  hanc  illi  necessitatem  imponerent  :  quod  etiam  non  agnoscerent  sua  magis  quam  ipsius  Pauli  interesse,  gloriosum  haberi  eius  apostolatum.  Hic  docemur,  Christi  servos  eatenus  tantum  debere  studiosos  esse  suae  existimationis,  quatenus  ecclesiae  expedit.  Hoc  se  affectu  praeditum  fuisse,  vere  asserit  Paulus.  Viderint  reliqui  ne  falso  eius  exemplum  obtendant.  Docemur  etiam,  hanc  esse  demum  veram  ministri  laudem,  quae  illi  magis  communis  est  cum  ecclesia  quam  propria  unius:  hoc  est,  quae  in  bonum  omnium  redundat.  Tit  aliquid  habeatis  adversus  eos.  Significat  obiter  refutandam  esse  vanitatem  eorum,  qui  inaniter  se  efferunt:  idque  esse  ex  officio  ecclesiae.  Nam  quum  pestis  in  primis  noxia  sit  talis  ambitio,  5  m