49:66  simul  ostendi,  ridiculos  esse  qui  ad  caeremonias  restringunt.  Frigidum  etiam  commentum  est,  opera  legis  pro  literalibus  accipere,  quae  sine  Christi  spiritu  fiunt.  Quin  potius  tantundem  valet  epitheton,  ac  si  meritoria  dixisset:  quia  respicit  ad  mercedem  in  lege  promissam.  Quod  apud  Iacobum  habetur,  non  sola  fide,  sed  operibus  iustificari  hominem,  nihil  cum  praecedenti  sententia  pugnat.  Conciliatio  potissimum  x)  ex  ratione  argumenti  pendet,  de  quo  illic  Iacobus  disserit.  Neque  enim  quaestio  est,  quomodo  iustitiam  sibi  coram  Deo  acquirant  homines:  sed  quomodo  se  probent  iustos.  Eefutat  enim  hypocritas,  qui  fidei  titulo  inaniter  superbiunt.  Crassus  ergo  paralogismus  est  j  non  animadvertere  iustificandi  verbum  aliud  esse  Iacobo  quam  Paulo:  sicuti  diversis  de  rebus  tractant.  Fidei  quoque  nomen  esse  aequivocum  procul  dubio  apparet.  Duplex  ista  homonymia  observari  debuit,  ut  de  re  iudicium  fieret.  Neque  aliud  Iacobum  velle  ex  contextu  colligitur  quam  hominem  ficta  vel  mortua  fide  non  reddi  vel  non  probari  iustum,  nisi  operibus  iustitiam  suam  confirmet:  qua  de  re  vide  Institutionem  nostram.  29.  Num  Iudaeorum  Deus  tantum?  annon  et  gentium  ?  certe  et  gentium.  30.  Quandoquidem  unus  Deus,  qui  iustificabit  circumcisionem  ex  fide,  et  praeputium  per  fidem.  29.  Num  Iudaeorum.  Secunda  propositio:  iustitiam  illam  non  magis  ad  Iudaeos  quam  ad  gentes  pertinere.  Id  vero2)  urgeri  valde  referebat,  ut  per  universum  orbem  locus  fieret  regno  Christi.  Interrogat  ergo  non  simpliciter  vel  praecise  an  sit  gentium  conditor  Deus,  quod  extra  controversiam  notum  erat:  sed  annon  illis  quoque  servatorem  se  velit  declarare.  Postquam  enim  aequavit  totum  hominum  genus,  ac  sub  eandem  conditionem  redegit:  si  quid  sit  discriminis  inter  eos,  ex  Deo  est,  non  ex  ipsis  qui  habent  omnia  inter  se  paria.  Quod  si  verum  est,  Deum  suae  misericordiae  velle  participes  facere  omnes  populos  terrae:  salus,  et  quae  ad  salutem  necessaria  est  iustitia,  ad  omnes  extenditur.  Quare  in  Dei  nomine  hic  est  notatio  mutuae3)  relationis^  quae  saepe  in  scriptura  occurrit:  Ego  ero  vobis  in  Deum,  et  vos  eritis  mihi  in  populum.  Nam  quod  Deus  peculiarem  sibi  ad  tempus  populum  elegit,  illud  naturae  principium  non  tollit,  omnes  ad  imaginem  Dei  esse  formatos,  et  educari  in  mundo  in  spem  beatae  aeternitatis.  30.  Qui  iustificat  praeputium.  Quum  alios  per  *)  est  in  animadversione  duplicis  paralogismi.  Quia  iustificatio  apud  Iacobum  non  pro  imputatione  sed  pro  declaratione  ac  testificatione  iustitiae  posita  est,  fidei  autem  vocabulum  abusive  per  concessionem  usurpatum  est.  2)  quam  3)  correctionis