41:66  fuisse  Romae  consules:  fuit  tamen  illud  regnum,  usque  dum  Iulius  Caesar  obrepsit,  et  nervos  detraxit  imperio,  ut  superaret  potentia  splendidam  illam  altitudinem,  quae  longe  et  late  tunc  conspicua  erat  in  mundo.  Angelus  ergo  respondit  per  quatuor  bestias  notari  quatuor  regna.  Dicit,  quae  surgent:  et  tamen  regnum  chaldaicum  pridem  surrexerat,  et  iam  vergebat  sub  Beltsazar  ad  suum  occasum.  Sed  propositum  fuit  angelo  et  prophetam  et  totum  populum  docere,  non  esse  cur  eos  nimium  turbarent  revolutiones.  Videbant  enim  tunc  Israelitae  se  iacere  quasi  mortuos,  imo  latere  obrutos  sub  terra.  Nam  exsilium  erat  illis  instar  sepulcri.  Hac  igitur  ratione  angelus  pronuntiat  exoritura  esse  quatuor  regna,  quum  tamen  primum  tunc  floreret.  Sed  sicuti  iam  dixi,  hoc  non  male  convenit  cum  fine  vaticinii  et  usu.  Prius  dixerat,  e  mari,  sed  metaphorice  posuerat  nomen  maris:  quoniam  turbulenta  fuit  terrae  conditio  per  multa  saecula.  Quum  ergo  nihil  esset  stabile,  merito  Deus  proposuit  orbem  terrarum  sub  figura  maris.  Postea  adiungit,  obtinebunt  regnum  sanctorum  excelsorum.  Hic  magnopere  contendunt  interpretes:  quia,  sicuti  antea  exposui,  quidam  accipiunt  hoc  vaticinium  de  regno  turcico:  alii  autem  de  tyrannide  papae  romani:  et  extendunt  usque  ad  ultimum  iudicium  quae  hic  dicuntur  a  propheta.  Ita  non  mirum  est,  si  haec  opinionum  diversitas  in  singulis  partibus  aliquid  diversum  pariat.  Per  sanctos  excelsos  quidam  angelos  intelligunt:  sed  adhuc  est  aliquid  controversiae  in  verbis.  Nam  ponitur  hic  nomen  sanctorum  in  regimine,  quasi  diceret  propheta  sanctos  excelsorum  proprie  loquendo.  Similes  loci  excusant  posse  accipi  in  statu  absoluto.  Sed  tamen  si  sequimur  rationem  grammaticam,  non  possumus  aliter  exponere:  sed  prius  nomen  in  statu  regiminis,  ut  dictum  est,  esset  positum.  Et  ego  hanc  sententiam  amplector.  Alii  referunt  ad  unum  Deum:  sed  illa  esset  profana  loquendi  ratio.  Non  dubito  igitur  quin  propheta  intelligat  sanctos  excelsorum  filios  Dei,  qui  tametsi  peregrinantur  in  mundo,  tamen  animos  erigunt  sursum,  et  sciunt  se  esse  cives  regni  coelestis.  Ergo  per  yivhy  non  dubito  quin  propheta  intelligat  coelestes  potestates,  hoc  est,  quidquid  divinum  concipi  a  nobis  potest,  et  quidquid  excelsius  est  mundo.  Cur  mihi  placeat  hic  sensus  rationem  breviter  reddam.  Si  vocemus  sanctos  excelsos  ipsum  Deum,  quem  sensum  elicere  licebit?  Quod  usurpaverint  ac  transtulerint  ad  se  potentiam  Dei  tam  Chaldaei  quam  reliqui  omnes?  Hoc  quidem  verum  est:  quia  quicunque  dominantur,  nec  se  uni  Deo  subiiciunt,  spoliant  eum  proprio  honore,  et  ita  sunt  praedones,  non  autem  reges.  Sed  propheta,  meo  iudicio,  aliud  ab  angelo  intellexit,  nempe  ecclesiam  specie  omni  et  dignitate  carituram  in  mundo  quantisper  vigebunt  monarchiae  illae  quatuor.  Scimus  filios  Dei  esse  mundi  hae-  5