40:66  pellat  extraneos,  et  qui  participes  non  erant  foederis  Dei,  hinc  nota  probri  et  ignominiae  apud  Iudaeos.  Minime  ergo  dubium  est  quin  hic  Deus  voluerit  delere  honorificum  titulum,  quo  ipsos  insignierat.  Nam  erat  gens  sancta  et  regnum  sacerdotale.  Quum  ergo  Deus  vocat  ipsos  p^U,  perinde  est  ac  si  diceret  iam  exutos  esse  omni  illa  dignitate,  qua  prius  excelluerant,  et  nihil  differre  a  gentibus  profanis  et  reiectitiis:  quemadmodum  etiam  talis  descriptio  habetur  apud  Hoseam.  Iubetur  enim  propheta  sumere  uxorem  meretricem.  Dicit  se  genuisse  filium  et  filiam:  filium  vocasse  >��j/  N^,  quia  non  esset  populus  Dei.  Deinde  filiam  vocasse  non  dilectam.  Illa  visione  ostendit  propheta  Iudaeos  esse  abdicatos,  ut  iam  Deus  non  censeat  ipsos  pro  filiis,  sed  tanquam  extraneos  reiiciat.  Sic  etiam  hoc  loco  abdicatio  notatur,  quum  propheta  dicit  ore  Dei  vocatos  fuisse  gentes.  Utitur  etiam  plurali  numero,  quo  melius  exprimat  defectionem  grassari  per  totum  populum.  Nam  si  pauci  duntaxat  fuissent  tales,  poterat  propheta  animum  colligere.  Sed  Deus  hic  pronuntiat  gravissimam  sententiam,  quod  totus  populus  tam  in  genere  quam  in  singulis  partibus  sit  populus  rebellis.  Haec  igitur  ratio  est  pluralis  numeri.  Sed  quaeritur,  an  ne  unus  quidem  residuus  fuerit  in  populo  illo,  qui  prophetae  doctrinam  amplecteretur?  Solutio  facilis  est,  non  hic  spectari  singulos,  sed  haberi  sermonem  de  toto  populo.  Nam  quoties  ita  loquuntur  prophetae,  dum  scilicet  vocant  Israelitas  degeneres  et  spurios,  vocant  filios  Sodomae  et  Gomorhae,  vocant  progeniem  Chanaan,  in  promiscuam  multitudinem  invehuntur.  Habebant  enim  certe  paucos  discipulos,  qui  non  poterant  coniici  in  illum  ordinem.  Sed  tenendum  est  quod  dicitur  Isaiae  octavo  (v.  16):  Liga  testimonium  meum  inter  discipulos  meos.  Illic  propheta  iubetur  quasi  seorsum  alloqui  fideles,  quorum  exiguus  restabat  numerus,  et  ita  alloqui  ac  si  literae  essent  clausae  et  obsignatae.  Promulgat  autem  illum  sermonem  toti  populo.  Sic  etiam  quum  Deus  pronuntiat  filios  Israel  esse  gentes  rebelles,  respicit  ad  ipsum  corpus  populi.  Interea  autem  minime  dubium  est  quin  semper  semen  aliquod  Deus  servaverit,  quamvis  occultum.  Tunc  Daniel  erat  in  exsilio  cum  suis  collegis,  ille  certe  non  fuit  rebellis  Deo:  sed  quemadmodum  iam  dixi,  satis  est  grassatam  fuisse  impietatem  passim  in  toto  populo.  Dicit  autem  Deus  se  satis  expertum  antehac  fuisse  qualis  esset  populus:  rebellarunt  inquit  mihi:  quibus  verbis  significat,  se  non  facere  periculum  quasi  nesciret  qualis  esset  ille  populus.  Dicit  ergo  sibi  multis  experimentis  compertam  fuisse  eius  pervicaciam,  et  tamen  dicit  se  mittere,  quia  voluit  quemadmodum  iam  dixi,  excutere  illis  omnem  ignorantiae  excusationem:  deinde  voluit  frangere  eorum  contumaciam,  quae  alioqui  erat  indomabilis.  Dicit,  tam  ipsi  quam  patres  eorum  5