39:66  iniam  et  alios  servos  suos.  Qualis  nunc  est  eorum  conditio?  dispersi  sunt  per  totum  mundum,  iam  elapsi  sunt  mille  et  quingenti  anni  postquam  Christus  resurrexit  a  mortuis:  et  videmus  ipsos  tabescere  in  suis  malis,  ita  ut  maledictio  ipsorum  omnibus  formidabilis  sit.  Dixerat  quidem  Deus  per  Mosem,  deinde  repetivit  per  suos  prophetas,  Eritis  in  sibilum,  eritis  in  maledictionem  cunctis  gentibus:  sed  semper  illa  fuit  temporalis  poena.  Non  est  igitur  quod  respondeant  Iudaei.  Unde  apparet  ipsos  prorsus  vacuos  esse  omni  fide,  et  tantum  contumaciter  prae  se  ferre  nescio  quid,  ut  mera  sit  ostentatio,  et  tamen  hypocritica  quidquid  iactant.  Quantum  vero  ad  nos  spectat  videmus  non  frustra  fuisse  hoc  promissum  de  adventu  Messiae:  deinde  etiam  cognoscimus  admirabili  Dei  consilio  factum  esse,  ut  Iudaei  non  fruerentur  plena  et  solida  felicitate,  qualis  promissa  fuerat  usque  ad  Christi  adventum,  ne  scilicet  putarent  tunc  completum  fuisse  quod  praedixerant  omnes  servi  Dei:  Scimus  enim  ut  libenter  homines  indormitant  terrenis  delitiis.  Putassent  igitur  Iudaei  completam  esse  suam  felicitatem,  nisi  multis  miseriis  exercuisset  ipsos  Deus,  ut  cupide  semper  attenderent  ad  manifestationem  Christi.  Vocatur  autem  germen  iustitiae  per  antithesin,  quia  filii  Davidis  fuerant  degeneres  :  et  Deus  illis  fere  maledixerat,  maior  enim  pars  regum  caruit  Dei  gratia.  Ergo  unicum  fuit  germen  iustum,  vel  germen  iustitiae,  nempe  Christus.  Interea  scimus  latius  patere  Christi  iustitiam,  quia  nobiscum  ipsam  communicat:  sed  incipere  oportet  ab  illa  iustitia  quam  dixi,  quae  scilicet  opponitur  tot  mutationibus,  quae  contigerunt  in  posteris  Davidis,  quia  res  subinde  prolapsae  sunt  in  deterius.  Etsi  autem  l)~fy  saepe  accipitur  ac  si  latine  quis  diceret,  Excitabo  germen  Davidis,  tamen  videtur  hic  respicere  Deus  ad  promissionem,  quae  deposita  fuerat  apud  Davidem  ipsum,  sicuti  dicitur  pluribus  locis  Deus  iurasse  servo  suo  Davidi.  Sequitur,  et  faciet  iudicium  et  iustitiam  in  terra.  His  partibus  continetur  optima  gubernatio,  nam  ubi  simul  iunguntur  duae  istae  voces,  iustitia  pertinet  ad  servandos  innoxios,  iudicium  vero  ad  poenas  quibus  coercetur  improbitas  eorum,  qui  nisi  constricti  essent  legum  metu,  ordinem  omnem  violarent.  Iudicium  quidem  per  se  sumitur  pro  rectitudine:  sed  quemadmodum  iam  dixi,  iustitia  et  iudicium  tantundem  valet  ac  bonorum  conservatio,  deinde  severitas  in  cohibenda  eorum  libidine  qui  non  libenter  nec  sponte  essent  morigeri.  Summa  est,  regem  de  quo  nunc  agitur,  fore  pium  et  iustum,  ut  partibus  suis  respondeat,  et  exhibeat  exemplar  optimi  regis.  Et  semper  notanda  est  antithesis  inter  posteros  alios  Davidis  et  Christum.  Viderant  enim  Iudaei  tristissima  spectacula  in  posteris  Davidis  quum  multi  essent  apostatae,  et  perverterent  Dei  cultum,  alii  saevirent  adversus  5