35:66  qu'il  ne  te  vient  point  rendre  conte  de  tout  ce  qu'il  fait?  et  que  tu  ne  daignes  recevoir  ce  qui  t'est  cache,  et  que  tu  ne  peux  comprendre  pour  ta  bestise?  Ainsi  donc  que  nous  ne  soyons  point  enflez  d'un  tel  orgueil  qui  seroit  pour  nous  faire  heurter  a  l'encontre  de  Dieu,  mais  contentons-nous  de  ce  qu'il  nous  declare,  attendans  en  patience  ce  grand  iour,  ou  les  choses  que  nous  cognoissons  maintenant  en  partie,  que  nous  ne  faisons  que  gouster,  et  que  nous  contemplons  comme  en  un  miroir,  nous  soyent  revelees  face  a  face,  et  en  toute  perfection.  Or  nous-nous  prosternerons  devant  la  face  de  nostre  bon  Dieu,  etc.  LE  CENT  ET  YINGTQUATRIEME  SERMON,  QUI  EST  LE  III.  SUR  LE  XXXIII.  CHAPITRE.  14.  Dieu  parlera  une  fois  et  deux,  sans  qu'on  V  entende:  15.  JEn  songe,  en  vision  de  nuict,  quand  le  sommeil  saisist  les  hommes,  et  qu'ils  reposent  au  lict:  16.  Alors  il  ouvre  V  aureille  aux  hommes,  et  seelle  son  chastiment  sur  eux:  17.  Afin  qu'il  retire  l'homme  de  son  ouvrage,  et  cache  l'orgueil  des  hommes.  Icy  Eliu  poursuit  le  propos  que  desia  il  avoit  tenu  au  sermon  prochain:  c'est  assavoir,  que  Dieu  ne  rendra  point  conte  aux  hommes  mortels  de  tout  ce  qu'il  fait  ou  qu'il  dit.  Or  nous  avons  a  noter  ce  que  desia  i'ay  declare,  c'est  assavoir  qu'icy  Eliu  ne  traitte  point  de  la  doctrine  de  Dieu  laquelle  nous  doit  estre  claire  et  facile.  Car  Dieu  (comme  il  le  proteste  par  son  Prophete  Isaie  [45,  19])  ne  parle  point  a  nous  en  cachette:  ce  n'est  point  en  vain  qu'il  dit,  Cerchez  moy:  et  quand  sa  parole  nous  est  obscure,  ce  n'est  point  qu'elle  soit  telle  de  soy,  cela  ne  procede  sinon  de  nostre  aveuglement  que  nous  avons  nos  esprits  eslourdis:  car  la  doctrine  que  Dieu  nous  propose  et  qui  est  contenue  en  l'Escriture  saincte,  est  vrayement  nomme  Clarte.  Ici  donc  Eliu  parle  des  statuts  que  Dieu  fait  en  son  conseil  estroit.  Car  il  est  certain  que  quand  Dieu  nous  met  sa  parole  au  devant  comme  il  a  este  dit,  il  regarde  a  nostre  portee  qui  est  bien  petite:  et  cependant  il  se  reserve  en  son  conseil  ce  que  nous  ne  pouvons  encores  comprendre,  pource  qu'il  ne  seroit  pas  utile  pour  nostre  salut:  non  pas  Calvini  opera.  Vol  XXXV.  que  Dieu  prene  plaisir  a  nostre  ignorance,  mais'il  cognoist  ce  qui  nous  est  bon,  et  il  nous  faut  contenter  de  la  mesure  qu'il  nous  donne,  attendans  que  ce  iour  soit  venu  de  pleine  revelation  lors  que  nous  cognoistrons  ce  qui  nous  est  cache.  Pourtant,  que  maintenant  nous  profitions  selon  qu'il  plaira  a,  Dieu  nous  le  donner,  iusques  a  ce  que  nous  contemplions  face  a  face  ce  qui  nous  est  auiourd'huy  obscur.  Voila  donc  en  somme  ce  que  nous  avons  a  retenir  de  ce  passage:  c'est  assavoir  qu'il  n'est  point  icy  traitte  de  la  parole  de  Dieu  que  nous  oyons  tous  les  iours,  et  qu'il  veut  qu'on  nous  enseigne:  mais  de  ses  secrets  lesquels  ils  retient  vers  soy,  et  ne  veut  point  encores  manifester  aux  hommes,  pource  qu'ils  n'en  sont  point  capables.  Il  avoit  dit  ci  dessus,  Que  Dieu  ne  respondra  pas  de  toutes  les  paroles:  c'est  a  dire  il  ne  faut  pas  que  les  hommes  qui  ne  sont  rien,  presument  que  Dieu  leur  doive  rendre  conte  de  ses  oeuvres,  et  qu'il  faille  qu'ils  sachent  pourquoi  ii  besongne  ainsi  ou  ainsi.  Maintenant  il  adiouste  Que  Dieu  parlera  une  fois  et  deux,  et  on  ne  Ventendra  point  c'est  a,  dire  qu'il  y  a  beaucoup  de  sentences  de  Dieu,  qu'il  monstre  par  effect,  desquelles  toutes  fois  la  raison  est  incognue,  et  mesmes  encores  que  Dieu  parle  comme  de  sa  bouche,  quelquesfois  il  n'est  point  entendu:  assavoir  quand  il  est  question  de  ce  que  les  hommes  ne  comprennent  point  encores,  et  de  ce  qui  leur  est  comme  enseveli  iusques  au  dernier  iour.  5