33:66  leur  monstrer  que  iusques  a  la  fin  il  leur  sera  Pere,  la  dessus  ils  peuvent  lever  leur  voix  et  leurs  sens,  et  se  peuvent  glorifier  contre  Satan,  contre  la  mort,  et  contre  toutes  choses.  Et  pourquoy?  D'autant  que  rien  ne  les  peut  separer  de  ceste  amour  que  Dieu  leur  porte,  et  qu'il  leur  a  une  fois  monstree  en  nostre  Seigneur  Iesus-Christ.  Voila  donc  comme  il  nous  en  faut  faire,  et  ce  que  nous  avons  a  retenir,  comme  il  en  sera  traitte  plus  amplement,  sur  tout  quand  il  sera  expose  ci  apres,  que  c'est  des  maux  que  Satan  a  brasse  contre  Iob,  et  comme  il  nous  les  faut  prendre.  Mais  ie  touche  pour  le  present  simplement  ce  qui  est  necessaire  a  ce  passage.  Venons  a,  ce  qui  est  au  texte,  la  ou  il  est  traitte  de  la  droiture  de  Iob.  Il  est  vray  que  desia  nous  avons  declare  tout  ceci:  pourtant  il  seroit  superflu  de  ramener  les  choses  qui  ont  desia  este  touchees,  il  suffira  que  nous  en  facions  un  petit  recueil,  afin  de  reduire  en  memoire  ce  qui  nous  est  bien  utile  de  savoir.  Voici  donc  pourquoy  derechef  le  sainct  Esprit  nous  a  declare  la  vie  de  Iob,  c'est  afin  qu'elle  nous  soit  comme  un  patron  pour  nous  y  conformer.  Voulons-nous  donc  renger  nostre  vie  a  Dieu,  et  a  son  service?  que  nous  ayons  en  premier  lieu  ceste  integrite  de  coeur,  que  nous  ne  soyons  point  doubles,  et  que  nous  ne  servions  point  a  Dieu  en  apparence  seulement,  des  pieds  et  des  mains  et  des  yeux,  mais  que  le  coeur  marche  devant,  et  qu'il  y  ait  une  affection  pure  et  simple  pour  nous  adonner  a  Dieu,  que  nous  soyons  du  tout  siens,  que  nous  haissions  toute  hypocrisie*  Yoila  par  quel  bout  il  nous  faut  commencer,  si  nous  voulons  que  nostre  vie  soit  bien  reglee,  et  que  Dieu  l'approuve.  Or  il  faut  que  la  droiture  viene  quant  et  quant  de  la  crainte  de  Dieu,  c'est  a  dire,  que  par  dehors  nous  monstrions  ce  qui  est  cache  la  dedans:  que  s'il  y  a  bonne  racine,  qu'il  y  ait  quant  et  quant  bons  fruicts:  que  les  oeuvres  rendent  tesmoignage  que  nous  ne  faisons  point  protestation  en  vain  d'adorer  Dieu,  et  de  nous  assuietir  du  tout  a  lui.  Or  cela  consiste  en  deux  choses,  que  nous  ayons  droiture,  et  equite  avec  nos  prochains:  Voila  pour  un  Item.  Et  puis  que  nous  ayons  religion  pour  servir  Dieu,  rapportans  le  tout  a  luy.  Et  ceste  droiture  tend  la,  qu'un  chacun  ne  se  retire  point  a  part,  pour  cercher  son  profit,  mais  que  nous  communiquions  ensemble,  comme  Dieu  nous  a  liez  et  unis  en  un  corps,  qu'un  chacun  regarde  a  servir  a  ses  prochains,  qu'il  y  ait  ceste  communaute  fraternelle,  et  ceste  equite  de  ne  faire  a  autrui  sinon  ce  que  nous  voulons  qu'on  nous  face.  Voila  donc  comme  Dieu  esprouve  quels  nous  sommes  c'est  assavoir,  si  nous  conversons  droitement  avec  les  hommes  sans  nuire  a  nul,  sans  faire  dommage,  mais  plustost  taschans  de  faire  service  a  tous.  Or  5