28:66  que  nous  appliquions  la  verite  a  nostre  usage:  c'est  que  venans  a  luy,  nous  y  apportions  une  droite  integrite.  Et  quelle?  Non  point  en  nos  membres  corporels  :  car  nous  savons  que  son  service  est  spirituel.  Ainsi  purifions  nos  ames.  Il  est  vray  que  nos  corps  doivent  bien  estre  purifiez  aussi  bien  (comme  S.  Paul  nous  admonneste)  mais  ce  n'est  point  en  ceste  sorte  qu'il  n'y  ait  nulle  greveure,  nul  vice  de  maladie:  c'est  que  nous  ne  les  polluions  point  en  choses  villaines,  comme  il  parle  de  l'idolatrie,  comme  il  parle  de  la  paillardise,  comme  l'Escriture  aussi  nous  parle  des  rapines  et  extorsions.  Celuy  qui  se  prostitue  devant  les  idoles,  celuy-la  entant  qu'en  luy  est  pollue  son  corps,  lequel  devoit  estre  consacre  au  service  de  Dieu.  Autant  en  est-il  des  paillards,  et  qui  s'abandonnent  a  une  villenie  qui  est  detestable  devant  Dieu.  Ceux  qui  pillent  et  desrobent  la  substance  d'autruy,  ont  les  mains  sanglantes  :  comme  le  Prophete  Isaie  leur  reproche.  Voila  comme  il  nous  faut  appliquer  nostre  estude  a  purifier  nos  corps.  Mais  le  principal  est,  que  nous  ayons  ceste  integrite  en  nos  ames,  que  nous  ne  soyons  point  blessez  de  greveure  qui  nous  empesche  que  nous  ne  soyons  agiles,  pour  obeir  a,  nostre  Dieu:  il  ne  faut  point  (di-ie)  que  nous  soyons  effeminez,  mais  que  nous  ayons  un  courage  invincible,  pour  batailler  contre  Satan,  et  contre  toutes  tentations,  nous  monstrans  vrais  hommes.  Comme  il  ne  faut  point  aussi  que  nous  soyons  debiles  en  foy,  mais  que  nous  poursuyvions  tousiours,  et  nous  efforcions  de  parvenir  a  cest  aage  d'homme  dont  parle  sainct  Paul  aux  Ephesiens,  pour  ne  chanceler  point  a  tous  propos:  mais  pour  tenir  bon,  et  estre  constans  en  la  verite  que  nous  aurons  cogneue.  Il  ne  faut  point  que  nous  soyons  lasches  pour  flechir  ne  ca  ne  la,  mais  que  nous  resistions  a  toutes  tentations:  que  rien  ne  nous  empesche  que  nous  ne  poursuyvions  tousiours  nostre  course,  en  laquelle  Dieu  nous  a  appellez,  que  nous  raffermions  les  genouils  debiles,  et  que  nous  fortifions  les  mains  tremblantes  en  la  vertu  du  S.  Esprit.  Voila  donc  dequoy  notamment  nous  sommes  admonnestez  en  ce  passage,  pour  nous  faire  approcher  de  nostre  Dieu,  quand  il  est  question  de  resister  a  quelques  tentations  qui  nous  empeschent  de  le  servir.  Et  au  reste  notons,  que  puis  que  Dieu  nous  a  sanctifiez,  voire  avec  tout  nostre  lignage,  que  nous  devons  estre  retenus  en  vraye  chastete,  quand  nous  oyons  ceste  voix  de  la  bouche  de  nostre  Dieu:  Ie  seray  vostre  sauveur  et  de  vos  enfans  apres  vous.  Que  nous  devons  bien  tascher,  quand  Dieu  fera  la  grace  a  quelques  uns  de  procreer  lignee,  que  ce  soit  une  lignee  pure  et  legitime,  et  que  les  fidelles  se  gardent  bien  de  se  fourrer  en  paillardise,  ni  en  telles  pollutions.  Et  pourquoy?  Car  c'est  comme  renoncer  au  privilege  si  excellent  que  Dieu  5