21:66  requis,  se  conduisit  toutesfois  tellement  au  gouvernement  de  l'Eglise,  qu'il  mit  peine  que  rien  ne  demeurast  en  arriere.  Il  y  avoit  lors  en  la  ville  d'autres  Ministres,  qui  y  ayans  este  mis  quand  Calvin  fut  chasse,  y  estoyent  demeurez  ;  desquels  aucuns  nuisoyent  quasi  plus  par  leurs  [c  3]  moeurs  je  ne  say  quelles,  qu'ils  ne  pouvoyent  proffiter  par  leur  doctrine.  Toutesfois  Calvin,  sachant  qu'il  faut  tousiours  en  l'Eglise  eviter  divisions  et  entretenir  la  paix  entant  que  faire  se  peut,  mit  peine  de  se  comporter  avec  eux,  les  admonnestant  comme  il  faloit,  redarguant  leurs  vices  en  prive,  *)  et  leur  proposant  de  regarder  a  faire  le  devoir  de  leur  charge  autrement  que  par  acquit.  Mais  a  la  parfin  Dieu  y  remedia,  purgeant  par  divers  moyens  ceste  Eglise  de  ceux  qui  ne  valoyent  rien,  tellement  qu'on  a  peu  appercevoir  le  iugement  de  Dieu  sur  eux.  Calvin  de  sa  part  ne  s'espargnoit  nullement,  travaillant  beaucoup  plus  que  son  pouvoir  et  l'esgard  de  sa  sante  ne  portoit.  Car  il  preschoit  d'ordinaire  de  deux  sepmaines  l'une  tous  les  iours:  il  lisoit  chacune  sepmaine  trois  fois  en  Theologie:  il  estoit  au  Consistoire  le  iour  ordonne,  et  faisoit  toutes  les  remonstrances:  tous  les  vendredis  en  la  conference  de  l'Escriture,  que  nous  appellons  la  Congregation,  ce  qu'il  adioustoit  apres  le  proposant  pour  la  declaration,  estoit  comme  une  lecon:  il  ne  defailloit  point  en  la  visitation  des  malades,  aux  remonstrances  particulieres,  et  autres  infinis  affaires,  concernans  l'exercice  ordinaire  de  son  ministere.  Mais  outre  ces  travaux  ordinaires,  il  avoit  un  grand  soin  des  fideles  de  France,  tant  en  les  enseignant,  exhortant,  conseillant  et  consolant  par  lettres  en  leurs  persecutions,  qu'en  intercedant  pour  eux,  ou  procurant  qu'on  intercedast,  quand  il  pensoit  voir  quelque  moyen.  Cependant  tout  cela  ne  l'empeschoit  point  qu'encores  il  ne  travaillast  en  son  estude  particulier,  et  composast  plusieurs  beaux  livres  et  fort  utiles;  comme  i'en  toucheray  maintenant  aucuns,  qu'il  fit  en  ces  premieres  annees:  et  puis  par  ci  par  la  en  la  deduction  de  l'histoire  noteray  le  temps  qu'il  fit  les  autres,  selon  le  loisir  qu'il  avoit,  ou  qu'il  voyoit  la  necessite  le  requerir.  Ainsi  donc  l'an  1543,  pource  que  la  Sorbonne  de  Paris  s'estoit  desbordee2)  iusques  la,  de  faire  des  articles  de  foy  a  sa  fantasie  sans  rien  prouver,  il  composa  un  livre,  ou  il  met  de  bien  plaisantes  probations  de  leur  dire  (et  ils  n'en  eussent  pas  sceu  trouver  de  meilleures,  comme  ils  l'ont  bien  monstre  en  se  taisant)  et  adiouste  quant  et  quant  a  bon  escient  le  vray  contrepoison  qu'il  faut  [c  4]  opposer  par  1)  particulier  F.  2)  portee  F.