15:66  Ioannes  Calvinus  dilectissimis  fratribus  Orbae,  qui  puram  evangelii  praedicationem  et  Dei  cultum  sincerum  cum  regni  Christi  promotione  exoptant.  !  )  Caritas  Dei  patris,  et  gratia  Domini  nostri  Iesu.  Christi,  per  spiritus  sancti  communicationem  vobis  semper  adsit  Quum  praeter  ordinariam  sanae  doctrinae  auditionem,  cui  etiam  lectio  verbi  potest  accedere,  non  dubitem  quin  optimi  fratres  Farellus  et  Viretus  strenue  in  illud  incumbant,  ut  vos  sanctis  exhortationibus  ad  pietatis  studium  accendant,  quas  etiam  a  vobis  prompto  et  propenso  animo  excipi  confidam:  volui  tamen,  dilectissimi  fratres,  hoc  ad  vos  literarum  dare,  quo  meum  de  vobis  ac  rebus  vestris  iudicium  haberetis.  Et  sane  non  vulgari  confirmatione  nunc  vobis  opus  est,  ex  quo  turbae  illae  a  Satana  adversum  vos  excitatae  sunt.  Meum  vero  erga  vos  studium  probatum  iri  facile  mihi  persuadeo,  quum  de  recto  affectu  constiterit,  ut  opera  mea  apud  vos  inutilis  futura  non  sit.  Equidem  non  dubito,  quin  pro  vestro  illo  intento  desiderio  ad  purum  Dei  cultum  inter  vos  solide  restituendum,  magno  vobis  moerori  sit  status  ille  vestrae  urbis,  dum  nempe  superstitio  et  impietas  papismi,  quae  Dei  cultum  corrupit  et  nomen  sacrum  blasphemiis  operit,  sedem  suam  adhuc  apud  vos  retinent.  Interea  magni  vobis  thesauri  loco  esse  debet,  quod  Dominus  dederit  ut  vos  quidem  iam  nihil  commune  cum  malo  habeatis.  Imo  ut  non  modo  a  malo  abstinere  liceat,  sed  etiam  exstet  ordo  aliquis  ecclesiae  inter  vos,  quo  vos  sub  Domini  iugo  contineatis.  Magnum  omnino  et  incomparabile  Dei  beneficium,  si  in  illorum  conditionem  oculos  conieceritis,  qui  crudelissimae  servitutis  iugo  miserabiliter  premuntur.  Superest  tamen  illa  anxietas,  quod  non  pauca  in  oculos  vestros  incurrunt,  quae  Dei  gloriae  adversantur.  Praesertim  quum  omnia  istic  tam  certo  et  ex  voto  comparata  essent,  ut  nec  aliter  statueremus,  quam  vos  plene  tandem  Antichristi  sordibus  perpurgatum  ac  semel  liberatum  iri:  quare  quod  a  tanta  spe  deiici  contigit,  non  potuit  non  esse  molestissimum.  Infideles  vero  metu  illo  iam  vacui,  non  desunt  etiam  occasioni,  quin  et  triumphum  sibi  canant,  et  Deo  insultent,  quo  vobis  extremus  dolor  super  dolorem  accedat.  Atqui  novum  videri  non  debet,  quod  Satan  qui  totus  in  eo  est  ut  promotionem  regni  Christi  impediat,  suas  illas  1920.  1)  De  rebus  Orbanorum  cf.  N.  1771.  1898.  1900.  1905  tum  Ruchat  VI.  70  seq.  qui  hanc  epistolam  attingit,  et  Pierrefleur  Mem.  284  ss.  Caeterum  res  demum  d.  30.  Iulii  diremta  est,  quo  die  evangelici  18  votis  catholicos  superarunt,  et  his  eiectis  imaginibusque  remotis  bona  ecclesiastica  divisa  sunt.  Mireris  Boberti  Louati  ministri  hic  nullam  fieri  mentionem  quum  tamen  Farelli  nomen  laudetur.  5