13:66  qui  minduit  a  les  faire.  Par  plus  forte  raison  ie  croy  que  la  necessite  que  vous  en  sentez,  fera  quelles  soient  encor  mieux  receues.  Quoy  quil  en  soit,  ie  vous  supplye,  Monseigneur,  quil  vous  plaise  me  donner  audience  en  quelques  advertissemens  que  iay  propose  de  vous  deduyre  icy  en  bref,  esperant  que  quant  vous  les  aurez  escoute,  pour  le  moins  vous  y  trouverez  goust  pour  en  estre  console,  et  prendre  tant  meilleur  couraige  a  continuer  la  saincte  et  noble  entreprinse  ou  Dieu  vous  a  voulu  employer  iusques  icy.  Je  ne  doubte  pas  que  les  grandz  troubles*)  qui  vous  sont  advenuz  despuis  quelque  temps,  ne  vous  ayent  este  bien  durs  et  facheux,  et  sur  tout,  pource  que  plusieurs  en  ont  peu  prendre  occasion  de  scandalle  ;  dautant  quilz  estoient  esmeuz  en  partie  soubz  umbre  du  changement  de  la  religion.  Parquoy  il  ne  se  peult  faire  que  ce  ne  vouz  ayt  este  ung  assault  bien  rude,  tant  pour  les  pensees  quil  vous  en  pouvoit  venir  a  lesprit,  que  pour  les  murmures  des  malings  et  ignorans,  et  aussi  pour  lestonnement  des  bons.  Certes  le  bruict  que  ien  ay  ouy  de  loing  me  cause  grande  angoisse  en  mon  coeur,  iusques  a  ce  que  iay  sceu  que  Dieu  avoit  commence  dy  mettre  quelque  remede.  Toutesfois  pource  quilz  ne  sont  point  possible  encore  du  tont  appaisez,  ou  que  le  diable  les  pourroit  renouveller,  quil  vous  souvienne  de  ce  que  Ihystoyre  saincte  recite  du  bon  Eoy  Ezechias,  assavoir  quand  il  eust  aboly  les  superstitions  en  Judee,  reforme  lestat  de  lEglise  selon  la  loy  de  Dieu,  que  allors  il  est  tellement  presse  de  ses  ennemys  quil  semble  bien  quil  soit  homme  perdu  et  desespere.  Ce  nest  pas  sans  cause  que  le  S.  Esprit  notamment  exprime  quune  telle  affliction  luy  est  advenue,  incontinent  apres  avoir  restably  la  vraye  religion  en  son  ordre.  Car  il  sembloit  bien  puis  quil  sestoit  efforce  de  faire  regner  Dieu,  quil  deust  avoir  de  son  coste  son  Royaume  paisible.  Ainsi  tous  princes  fidelles  et  gouverneurs  de  pais  sont  advertis  par  cest  exemple,  que  dautant  plus  quilz  mettront  peine  a  chasser  les  idolatries,  et  procurer  que  Dieu  soit  vrayement  adore,  comme  il  doibt,  leur  foy  pourra  estre  examinee  par  diverses  tentations.  Dieu  le  permet  et  veult  ainsi,  pour  declairer  la  constance  des  siens,  et  les  exercer  a  ce  quilz  ayent  a  regarder  plus  hault  que  le  monde.  Ce  pendant  le  diable  aussi  faict  son  office,  ta  chant  a  ruiner  la  bonne  doctrine  par  moyens  obliques,  comme  par  dessoubz  terre,  dautant  quil  nen  peult  ouvertement  venir  a  bout.  Mais  suyvant  ladmonition  de  sainct  Jaques,  qui  ^085,  1)  La  guerre  d'Ecosse  et  lesluties  politiques  interieures,  a\ont  celle  avec  Lora  Seymour  le  propre  frere  du  Protecteur  etait  la  plus  violente  et  mena  a  une  catastrophe  sanglante.  5