10.1:66  LEGES  ACADEMIAE  GENEVENSIS.  PROMULGATIO  LEGUM  ACADEMIAE  GENEvENSIS.  Anno  Domini  M.  D.  LIX.  Nonis  Iunii  quum  Genevae  maxima  honestissimorum  civium  multitudo  in  summum  templum  convenisset,  ubi  aderant  scholastici  plus  minus  sexcenti,  et  quatuor  Senatus  praesides,  quos  Syndicos  vocant,  suis  sedibus  comedissent,  circumstantibus  clarissimis  aliquot  Senatoribus,  itemque  ministris  verbi,  publicaeque  et  privatae  scholae  doctoribus,  visus  est  is  dies  iucundis  simus  omnibus  piis  ac  doctis  illuxisse,  Etsi  enim  antea  Genevensem  rempublicam  plurimis  maximisque  ornamentis  Deus  O.  M.  affecerat,  tamen  quum  ad  eum  usque  diem  coacta  fuisset  civitas  Genevensis,  maximis  cum  incommodis  ac  difficultatibus,  ab  iis  urbibus  et  gentibus  petere  suae  iuventuti  bonorum  artium  ac  disciplinarum  cognitionem,  quibus  ipsa,  quod  longe  maximum  est,  id  est  sincerae  religionis  scientiam,  de  suo  quodammodo  largiebatur:  visa  est  Dei  bonitas  ac  misericordia  eo  die  concedere  ivuic  civitati,  quod  paucissimis  antea  contigit,  ut  una  eademque  urbs  et  pietatis  et  eruditionis  parens  haberi  posset.  Sed  et  huius  singularis  beneficii  magnitudinem  articulus  ipse  temporis  inultum  augebat,  in  quem  ista  consilia  inciderunt.  Neque  enim  quisquam  ignorare  potest  quantis  tempestatibus  abhinc  annos  aliquot  iactata  fuerit  haec  civitas,  quorundam  nefariorum  civium  coniuratione,  quo  primum  tempore  de  his  rebus  [pag.  2]  constituendis  coepit  cogitare.  Iam  vero  quum  communi  omnium  rumore  feratur,  quod  maxime  quoque  probabile  est,  pace  inter  potentissimos  Europae  monarchas  facta,  Satanam  vix  quieturum  donec  omnibus  viribus  eam  urbem  adoriatur,  a  qua  una  praecipue  se  suosque  peti  magna  cum  regni  sui  labefactatione  quotidie  sentiat:  admirabilis  certe  constantiae  ac  fortitudinis  fuit,  haec  consilia  non  modo  non  abiicere,  sed  etiam  persequi,  quo  tempore  civitati  per  se  non  ita  magnae  et  omni  paene  mortalium  praesidio  destitutae,  de  quibusvis  rebus  potius  quam  de  iis  studiis  cogitandum  videbatur,  quae  nihil  aeque  ac  pacem  et  quietem  requirunt  Verum  ut  nonnulli  inveniantur  qui  ho-