9:659  659  RESPONSIO  660  n.  IUDAEUS.  Quaere:  Quum  scriptum  sit  in  Matthaeo;  Non  veni  ut  detraherem,  ete.  et  in  lege  Mosis  habetur:  Die  autem  octavo  circumcidet  carnem  praeputii  sui,  item:  Omne  praeceptum  quod  praecipio  tibi  hodie,  observabitis  et  facietis:  non  addes  nec  minues  ex  eo:  Quod  si  ita  est,  constat  quod  legem  Mosis  dissolverit  CALVINUS.  Quaere  vicissim,  quum  lex  Mosis  vetet  quidquam  operis  fieri  die  septimo,  quomodo  eodem  die  iubeat  masculos  infantes  circumcidi?  Item  quomodo  Moses  diem  unum  e  septem  Deo  sanctificari  iubeat,  Isaias  autem  (66,  23)  sub  Christi  regno  promittat  continua  sabbatha,  et  continuas  neomenias,  nisi  quod  in  circumcisione  ostendit  Deus  opera  sua  eximi  a  communi  lege:  Isaias  vero  aliquid  excellentius  promittens,  quam  sub  lege  exhibitum  fuerit  Iudaeis,  significat  praeceptum  de  sabbatho  fuisse  umbratile?  Plenior  autem  quaestionis  solutio  haec  est,  quum  voluerit  in  uno  tantum  altari  Deus  sibi  offerri  sacrificia,  Ezechiel  tamen  promittit  sub  regno  Messiae  altaria  in  Aegypto  et  Assyria  fore:  quum  nefas  alibi  fuerit  quam  Hierosolymae  Dei  faciem  quaerere,  et  illi  offerre  sacrificia:  Isaias  tamen  templum  illi  fore  in  Aegypto  dicit  (Isa.  19,  19).  Et  Malachias  discrimen  omne  locorum  tollit  his  verbis  :  Offeretur  incensum  nomini  meo  in  toto  orbe  (Mal.  1,  ll).  Certe  clara  externi  cultus  mutatio  sub  regno  Messiae  ostenditur:  neque  tamen  hoc  modo  dissolvitur  lex,  vel  apex  unus  ex  eo  minuitur:  quin  potius  haec  vera  est  legis  sanctio,  non  fuisse  in  veteribus  figuris  obiectum  oculis  inane  spectaculum,  sed  eorum  quae  significabant  exhibitam  in  Christo  substantiam.  Nunc  videndum,  quorsum  Deus  sabbathum  instituerit,  nempe  ut  symbolum  esset  sanctificationis,  ut  docet  per  Mosen  et  Ieremiam.  Sequitur  ergo  praeceptum  illud  inter  umbras  numerandum  esse.  Quid  enim  mirum,  si  exorto  sole  cesset  stellarum  lumen?  Atque  haec  est  coeli  et  terrae  novitas,  de  qua  Isaias  (51,  16;  65,  17)  concionatur.  III.  IUDAEUS.  Quaere:  Si  Deus  est,  quare  se  ipse  vocat  filium  hominis,  quum  in  multis  locis  scripturae  moneat  nos  lex,  ne  Deum  similem  faciamus  homini,  ut:  Deus  non  est  homo  ut  mentiatur,  aut  filius  hominis  ut  illum  poeniteat  Praeterea  dicit  David'.  Nolite  confidere  in  principibus,  in  homine  ete.  Item:  Maledictus  qui  confidit