8:659  659  SERVETI  660  cedam  quoque  ignem  illum  esse  verum  ignem,  et  esse  id  ipsum  quod  Deus.  Estne  ob  id  mutatus  Deus,  formam  occultam  nolis  patefaciens  ?  Ignis  ille  figuram  hominis  exhibeat,  virtute  Dei  fiatL)  homo,  substantiale  corpus  ex  virgine  genitum.  Quis  quaeso,  dicitur  ibi  esse  filius  Dei,  a  patre  Deo  realiter  distinctus?  Ignis  ille  formali  ratione,  et  personae  figuratione  dicitur  filius,  non  realiter  distinctus  a  patre.  At2)  homo  hic  vere  realiter,  et  corporaliter  genitus  est  de  substantia  Dei  patris  et  virginis  matris.  Loco  item  moveatur  ignis  ille,  aut  aura  divini  spiritus,  aut  lapis,  aut  flos:  an  movetur3)  tunc  Deus?  Deus  ubique  semper  exsistens  immobilis,  nec  loco  movetur,  nec  ob  ostensam  illam  formam  atteratur.  Sed  sunt  illi  modi  dispensationis  seu  exhibitionis  divinae,  qua  se  nobis,  ut  vult,  vere  Deus  exhibet,  et  in  rebus  agit.  Muto  homine  Christo,  non  movebatur  substantia  deitatis.  Externe  movebatur,  per  aerem  descendebat  spiritus  sanctus,  in  Deo  immobili  semper  exsistens.  Verbum  suum  Deus  visibile  patefecit,  varie  misit,  et  immobilis  mansit.  His  modis  verum  est,  quod  scribitur  Deus  olim  descendisse,  ivisse,*)  venisse,  pedes  suos  lavandos  ipsi  Abrahae  exhibuisse.  Vera  res  erat,  non  praestigium,  etiam  [pag.  590]  secluso  angeli  ministerio:  sicut  vera  res  erat,  quod  descendit  spiritus  sanctus  in  Christum.  Motus  erat  ratione  adiunctae  creaturae^  non  ratione  deitatis:  nisi  motum  dicas  iuxta  formae  exhibitae  modum,  secundum  quem  locos  mutabat,  locis  ita  se  exhibens.  Quanquam  esset  ibi  angelus,  in  angelo  erat  Deus.  Visus  Deus  descendebat,  et  spiritus  ipse  sanctus,  qui  Deus  est,  descendebat:  nec  ob  id  est  mutatus  Deus,  formam  certam  exhibens  et  patefaciens.  In  angelo,  Abrahae  viso,  erat  forma  Christi,  forma  lucens,  et  viso  angelo  simul  Deus  videbatur,  verbum  videbatur  Christus,  Elohim.  At  quomodo  in  angelo  relucebat  Deus,  relucebat  Christus?  Ipsam  angeli  et  animae  nostrae  substantiam  penetrat  intus,  et  implet  lux  verbi,  sicut  lux  solis  aerem  penetrat  et  implet.  Erat  nomen  Dei  in  medio  angeli,  Deus  ipse  in  media  angeli  substantia.  Exod.  23.  Quid  obest,  quominus  in  angelo  videretur  Dei  lux  verbum?  et  angelus,  quasi  transformatus,  diceretur  quis  quasi  Deus?  Si  in  aliis  creaturis,  luce  inf  or  matis,  paene  videtur  et  palpatur  Deus,  multo  fortius  in  angelo  illo,  et  multo  iterum  fortius  in  Christo.  Incarnatione  ergo  non  est  mutatum  verbum,  sed  assumpta  caro  est  in  verbum  transformata.  Verbum  illud  erat  substantialiter  filius,  quoad  essentiam  formae,  quamvis  nondum  esset  adiuncta  terrea  carnis  materia,  quae  est  vere  de  essentia  filii.  Verbum  ipsum  erat  vere  Christus  homo,  quoad  1)  fuit.  2)  Ac.  3)  moveatur.  4)  misisse.