7:659  659  VERA  ECCLESIAE  660  et  pietatis  et  ecclesiae  tangeret,  ex  tanta  superstitionum  sylva,  quibus  scatent  mortuales,*)  ut  loquuntur,  vigiliae,  nihil  omnino  resecarent?  Imo,  si  quid  haberent  ingenui  pudoris,  an  non  verbo  saltem  attingerent,  corrigenda  esse  quaedam,  quae  nimis  insulsa  absurditate  [pag.  180]  quemvis  mediocriter  intelligentem  offendunt?  Foede  illic  discerpitur  scriptura.  Miscetur  incomposita  sententiarum  hinc  inde  temere  congestarum  farrago.2)  Denique,  quidquid  illic  fit  ac  dicitur,  crassa  est  scripturae  corruptela.  Hoc  totum  non  modo  dissimulant  mediatores,  sed  etiam  calculo  suo  absolvunt.  Sed  audienda  est  praeclara  eorum  ratio:  Quam  immane  esset,  inquiunt,  mortuorum  supprimi  memoriam,  ac  si  animae  una  cum  corporibus  interirent.  Ergo  quatuor  annorum  millibus  ante  Christi  adventum  et  deinceps  plus  mille  annis,  quibus  nondum  erant  natae  vigiliae,  nulla  fuit  de  animae  immortalitate  fides.  Nam  certe,  si  huic  blasphemiae  subscribimus,  omnes  qui  a  mundi  exordio  fuerunt  patriarchae,  quicunque  sub  lege  vixerunt  prophetae,  pii  reges  et  alii,  Christus,  apostoli,  universi  martyres,  Epicurei  erunt:  quia  nullis  vigiliis  animas  vindicabunt  ab  interitu.  In  carnium  abstinentia  videntur  sibi  optime  corrigere  quidquid  hactenus  superstitionum  fuit:  quum  temperantiae  causa,  non  abominationis,  eam  suscipi  docent.  Si  in  solo  esu  carnium  omnes  essent  delitiae,  concedi  forte  posset  quod  iactant:  sed  quis  nescit  in  divitum  culinis  tunc  multo  lautiores  instrui  epulas,  quum  a  carnibus  abstinetur?  Pauperibus  certe,  qui  larido  aut  bubula  3)  tenuiter  victitant,  nihil  opus  est,  carnis  edomandae  causa,  carnem  prohiberi.  Divitibus  solis  lex  ista  necessaria  est,  quae  ad  frugalitatem  eos  revocet.  Atqui,  ut  dictum  est,  nihil  minus  est  prohibitio  carnium,  quam  luxuriae  sumptuumque  restrictio:  tunc  enim  maxime  fumant  culinae:  tunc  [pag.  181]  immodici  apparatus  exundant.  Denique,  nunquam  minus  sunt  in  victu  temperantes,  quam  quum  a  carnibus  abstinent.  Bis  ergo  ridiculi  sunt  mediatores,  qui  frugalitatem  ita  constituunt  in  abstinentia  carnis,  ac  si  nulla  essent  praeter  carnem  voluptuosa  edulia  :  ita  carni  domandae  salubre  esse  remedium  fingunt,  ac  si  non  suavioribus  ferculis  feria  sexta,  quam  secunda,  mensae  refertae  essent.  Hinc  certe  plus  quam  absurdum  esse  patet,  hoc  nomine  carnes  discernere  a  reliquis  cibis:  quasi  sublato  illarum  usu  cohibita  sit  luxuries  victus,  et  inventa  macerandae  carnis  ratio:  quum  potius  ipsa  ciborum  varietas  novum  sit  saturis  edendi  irritamentum.  Verum,  ut  hoc  aliqua  ex  parte  verum  sit,  superstitiosa  tamen  esse  dierum  observatio  non  desinit.  Excusant  mediatores,  olim  ab  1)  Ed.  germ.  male:  mortales.  2)  un  tripotage  de  mille  brouetz.  3)  de  lard  ou  de  ie  ne  scay  quoy.