49:659  659  SERMONS  660  on  se  va  mesler  parmi  le  service  des  idoles,  c'est  autant  comme  si  on  se  ioignoit  a  eux,  et  qu'on  y  fust  enveloppe:  car  il  est  impossible  qu'estans  membres  du  corps  du  Fils  de  Dieu,  nous  ayons  rien  commun  avec  les  idoles  et  faut  que  nous  en  soyons  separez  du  tout.  Si  les  Corinthiens  eussent  bien  fait  valoir  ceste  doctrine  qu'ils  avoyent  cognue  auparavant,  il  ne  faloit  point  que  ceci  leur  fust  remonstre:  car  ils  estoyent  desia  assez  advertis,  tant  par  la  bouche  de  sainct  Paul,  que  de  ceux  qui  avoyent  continue  a  les  enseigner,  que  la  Cene  emporte  cela  :  c'est  a  scavoir  que  nous  soyons  unis  avec  le  Fils  de  Dieu,  et  qu'il  soit  nostre  vie.  Puis  qu'ainsi  est,  il  faut  bien  que  nous  soyons  retirez  de  toute  pollution  :  car  nostre  Seigneur  est  la  fontaine  de  toute  purete.  Nous  ne  pouvons  donc  communiquer  a  luy,  sinon  que  nous  soyons  sanctifiez  a  Dieu  son  Pere.  Or  cela  emporte,  comme  nous  avons  dit,  de  renoncer  a  tout  ce  qui  est  contraire  au  service  de  Dieu,  et  a  la  religion  qui  est  contenue  en  l'Evangile.  Cela  devoit  estre  assez  familier  entre  les  Corinthiens  :  mais  ils  estoyent  aveugles,  pour  ce  qu'ils  trouvoyent  bon  de  s'entretenir  avec  le  monde  et  complaire  aux  idolatres,  cela  les  empesche  de  iuger  comme  il  appartient.  Nous  voyons  donc  maintenant  beaucoup  mieux  ce  que  i'ay  desia  touche:  c'est  ascavoir  que  quand  nous  avons  apprins  quelque  doctrine,  ce  ne  est  point  assez  d'en  scavoir  parler  en  general  :  mais  que  nous  la  devons  appliquer  a  son  usage,  quand  se  vient  a  regler  nostre  vie,  quand  il  nous  faut  appliquer  a  ceci  ou  a  cela,  et  quand  se  vient  a  regarder  a  ce  que  nostre  Seigneur  nous  monstre  :  et  que  par  ce  moyen  la  il  ne  sale  point  nous  tirer  l'aureille  pour  nous  faire  honte,  de  ce  que  nous  faisons  des  aveugles,  la  ou  la  clarte  nous  est  toute  patente  :  ou  que  nous  faisions  les  sourds  quand  Dieu  a  parle  a  nous  haut  et  clair,  c'est  ce  que  nous  avons  a  retenir  de  ce  passage  en  premier  lieu.  Et  quand  sainct  Paul  dit,  Vous  mesmes  iugez:  par  cela  il  monstre  que  ce  n'est  qu'une  nonchalance  qui  les  destourne  qu'ils  ne  peuvent  d'eux  mesmes  et  sans  estre  advertis  d'ailleurs  iuger  comme  il  va  de  ceci.  Quand  il  dit,  Vous  mesmes  et  qu'il  les  constitue  iuges,  il  semble  qu'il  leur  face  grand  honneur,  mais  plustost  c'est  par  ignominie  :  comme  s'il  disoit,  A  qui  tient-il  que  ce  que  ie  vous  propose  ne  vous  est  tout  certain  et  infalible,  et  que  il  vous  sale  ici  picquer  comme  des  asnes?  D'ou  vient  la  faute?  Car  apres  vous  avoir  dit  un  seul  mot,  ie  vous  en  laisse  le  iugement.  Concluez  donc  que  iusques  ici  vous  n'avez  tenu  conte  de  recevoir  la  doctrine  qui  vous  estoit  preschee  et  que  vos  affections  vous  ont  retenus,  et  que  vous  avez  par  trop  este  adonnez  au  monde.  Brief,  ce  n'est  point  une  pure  ignorance,  et  vous  j  n'en  pouvez  faire  bouclier:  mais  il  y  a  eu  de  la  vanite  et  de  l'ambition:  il  y  a  eu  aussi  de  la  feintise,  que  vous  avez  voulu  caler  la  voile,  et  en  gra-