25:659  659  SERMON  V.  660  Christ  qui  est  mediateur  entre  Dieu  et  les  hommes,  lequel  n'a  point  fait  seulement  les  stipulations  solennelles  comme  un  notaire  publique:  mais  quant  et  quant  il  a  accompli  ce  qu'il  a  promis  au  nom  de  Dieu  son  Pere.  Il  a  fait  une  telle  signature  de  son  sang,  que  nous  voyons  qu'il  a  paye  ce  qu'il  n'avoit  point  deu,  et  ce  qu'il  n'avoit  point  desservi.  Ainsi  donc,  que  nous  ayons  ceste  ferme  cognoissance,  que  Dieu  nous  advoue  pour  ses  enfans,  et  que  par  consequent  nous  sommes  heritiers  de  la  vie  eternelle.  Mais  que  nous  prenions  tousiours  ceste  cognoissance  en  l'Evangile,  comme  nous  voyons  que  Moyse  ramene  la  les  Iuifs.  Il  est  vray  qu'il  ne  nous  faut  point  oublier  la  vertu  celeste  qui  a  este  espandue  par  tout  en  la  resurrection  de  nostre  Seigneur  Iesus  Christ.  Mais  comment  un  tel  bien  nous  seroit-il  applique,  et  comment  en  iouirionsnous  n'estoit  par  la  foy?  Tout  ainsi  donc  que  nostre  Seigneur  Iesus  nous  a  acquis  le  royaume  celeste  par  sa  mort  et  passion,  aussi  il  veut  que  la  consolation  auiourd'huy  nous  en  soit  donnee  par  le  moyen  de  l'Evangile,  que  la  il  nous  testifie  que  ce  qu'il  a  fait,  est  pour  nous,  et  pour  nostre  salut:  que  quand  nous  aurons  cela,  et  que  nous  en  serons  asseurez,  voila  comme  nous  pourrons  iouir  de  la  grace  qui  nous  a  este  acquise.  Or  cependant  il  nous  faut  faire  cest  honneur  a  l'Evangile,  que  nous  contemplions  par  foy  ce  qui  nous  est  cache.  Il  est  dit:  Que  la  terre  est  a  ton  commandement.  Or  si  nous  croiyons  a  nos  sens,  nous  ne  pourrions  pas  apprehender  que  le  royaume  des  cieux  soit  nostre,  qu'il  soit  en  nostre  main,  il  nous  semblera  qu'il  y  a  trop  longue  distance,  et  qu'il  nous  a  donne  les  ailes  pour  voler  par  dessus  les  cieux.  Mais  quoy  ?  Il  nous  faut  (comme  i'ay  dit)  honorer  tellement  la  parolle  de  Dieu,  que  nous  ne  doutions  point  que  ce  qui  j  est  dit,  ne  se  puisse  faire,  encores  que  nous  ne  le  comprenions  point  par  apprehension  charnelle,  mais  il  faut  que  la  foy  surmonte  toute  capacite  humaine.  Et  si  nous  trouvons  ici  de  la  difficulte,  bataillons  contre  nous-mesmes,  et  iournellement  efforcons-  nous  de  recourir  a  Dieu.  Car  voila  comme  il  veut  estre  glorifie  de  nous,  c'est  que,  comme  i'ay  dit  du  commencement,  quand  il  n'y  auroit  que  la  parolle  de  Dieu,  cela  nous  devroit  bien  contenter  et  suffire:  mais  quand  Dieu  a  voulu  mettre  ce  gage  qu'il  nous  a  donne  en  la  mort  et  passion  de  nostre  Seigneur  Iesus  Christ,  tant  moins  serons-nous  a  excuser,  si  nous  n'avons  un  plain  contentement  et  entier.  Quand  nous  avons  une  telle  certitude  du  royaume  des  cieux,  que  nous  allions,  et  que  nous  possedions  la  terre:  car  (comme  i'ay  desia  dit)  Dieu  ne  veut  pas  que  nous  soyons  oisifs.  Il  est  vray  qu'il  nous  monstre  par  l'Escriture  saincte  qu'il  n'y  a  en  nous  une  seule  goutte  de  vertu  qui  tende  a  bien,  mais  que  du  tout  nous  sommes  ad-