23:659  659  SERMONS.  660  encores  que  Dieu  fasse  semblant  de  se  taire,  si  est-ce  que  les  meschans  ne  se  peuvent  absoudre,  qu'ils  ne  soyent  contrains  de  sentir  leur  malediction.  Il  n'y  a  donc  point  de  paix  pour  le  meschant,  comme  il  en  est  parle  en  Isaie.  Mais  Iesus  Christ  est  nostre  paix,  dit  sainct  Paul  aux  Ephes,  d'autant  qu'il  nous  a  conioincts  et  unis  a  Dieu  son  Pere.  Et  voila  pourquoy  aussi  au  cinquieme  chapit,  des  Romains,  il  dit  qu'estans  iustifiez  par  foy  nous  avons  paix  envers  Dieu,  ou  avec  Dieu.  Il  discerne  la  paix  des  meschans,  c'est  a  dire  celle  qu'ils  cerchent  et  qu'ils  ne  peuvent  trouver,  d'avec  la  paix  des  fideles.  Les  meschans  tourneront  le  doz  a  Dieu,  et  s'esloigneront  de  luy  tant  qu'il  leur  est  possible  :  mais  les  fideles  se  presentent  devant  Dieu,  et  le  recognoissent  pour  leur  Pere,  sachans  qu'il  ne  leur  impute  point  leurs  fautes,  d'autant  que  Iesus  Christ  les  en  a  absouz.  Et  en  ceste  sorte  ils  ont  paix,  et  se  respuissent  en  la  misericorde  infinie  qui  leur  est  faite.  Et  ainsi  ce  n'est  point  sans  cause  que  Iesus  Ohrist  est  nomme  le  Roy  de  paix  [pag.  50].  Et  il  y  a  davantage,  que  les  fideles  ne  sont  pas  seulement  asseurez  pour  le  temps  present,  mais  aussi  pour  l'avenir.  Car  ils  savent  que  Dieu  a  commence  son  oeuvre  en  eux  a  ceste  condition,  qu'il  la  veut  parachever.  Ils  esperent  donc  que  iamais  il  ne  leur  defaudra,  et  que  de  plus  en  plus  ils  seront  conduits  et  gouvernez  par  luy,  iusques  a  ce  qu'ils  soyent  parvenus  en  son  Royaume.  Voila  en  somme  comme  nous  avons  la  paix,  et  la  possederons  en  Iesus  Christ,  d'autant  que  sans  luy  il  faut  que  soyons  ennemis  de  Dien:  et  comme  nous  luy  faisons  la  guerre  par  nos  vices  et  rebellions,  il  faut  aussi  qu'il  soit  arme  a  l'encontre  de  nous.  Il  y  a  aussi  a  noter  qu'il  a  este  Sacrificateur  eternel,  quand  Melchisedec  est  introduit,  comme  il  fut  hier  touche,  sans  origine,  sans  fin,  et  sans  genealogie.  Et  c'est  afin  que  nous  cognoissions  que  nostre  Seigneur  Iesus  Christ,  combien  qu'il  ait  este  envoye  en  la  plenitude  des  temps,  ne  laisse  pas  pourtant  d'estre  Fils  eternel  de  Dieu:  et  mesmes  qu'il  a  este  constitue  Redempteur  devant  la  creation  du  monde.  Car  il  est  le  premier  ne  de  toutes  creatures,  voire  d'autant  que  c'est  en  luy  et  par  luy  que  tout  a  este  fait,  et  aussi  que  selon  le  conseil  admirable  de  Dieu  il  devoit  tout  restaurer,  d'autant  qu'il  n'y  a  eu  que  dissipation  et  haut  et  bas  apres  la  cheute  d'Adam,  qui  a  ruine  toutes  creatures  avec  luy.  Mais  tout  a  [pag.  51]  este  restaure  par  nostre  Seigneur  Iesus  Christ.  Ainsi  cognoissons,  comme  dit  l'Apostre  au  dernier  chapitre  des  Ebrieux,  que  Iesus  Christ  n'est  pas  seulement  auiourd'huy,  mais  qu'il  a  este  des  hier,  c'est  a  dire  de  tout  temps:  que  sa  vertu  s'est  demonstree,  comme  elle  se  demonstrera  iusques  a  la  fin.  Voila  donc  comme  il  nous  faut  recourir  du  tout  a  ceste  vertu  (laquelle  les  Peres  mesmes  ont