48:658  parolle  de  Dieu.  Et  c'est  pourquoy  S.  Pierre  accuse  les  Iuifs  d'avoir  crucifie  et  occis  Iesus  Christ:  non  pas  qu'il  prene  plaisir  a  leur  faire  ce  reproche,  mais  c'est  afin  qu'ils  cognoissent  leur  condamnation  estre  preste  pour  leur  pechez:  et  d'autre  part  l'absolution  d'iceux  par  Iesus  Christ  s'ils  le  veulent  recognoistre  et  s'addresser  a  luy.  Or  les  ministres  de  la  parolle  de  Dieu  ont  yci  une  regle,  c'est  ascavoir  qu'ils  doyvent  toucher  les  hommes  au  vif,  et  leur  remonstrer  leurs  pechez,  afin  qu'ils  scachent  que  Dieu  est  leur  iuge  qui  ne  laissera  point  l'obstination  du  peche  impunie:  et  par  ce  moyen  ils  seront  retirez  a  luy  en  repentance,  ce  qu'ils  ne  feroyent  point  sinon  qu'ils  eussent  este  reprins  et  traittez  rudement.  Et  pourtant  il  faut  que  nous  souffrions  que  Dieu  domine  sur  nous  et  qu'il  nous  condamne,  afin  d'estre  par  luy  absous.  Il  y  en  a  beaucoup  qui  voudroyent  bien  que  l'Evangile  fust  presche,  moyennant  que  ce  fust  pour  le  tirer  a,  leur  profit  et  appetit  charnel,  et  qu'il  leur  fust  comme  une  converture  d#  leurs  vilenies.  Or  ce  n'est  pas  a  ceste  fin  qu'il  nous  faut  prescher:  car  nostre  Seigneur  Iesus  Christ  dit  que,  quand  le  S.  Esprit  viendra,  il  redarguera  le  monde  de  peche:  il  sera  assis  comme  un  iuge  en  son  siege  et  iugera  le  monde.  Ainsi  donc  nous  ne  pourrons  pas  traitter  fidelement  l'Evangile  que  le  monde  ne  soit  amene  a  ceste  condamnation,  et  qu'un  chacun  cognoisse  quel  il  est  pour  se  redarguer  soy-mesme.  Et  pourtant  que  ceux  qui  se  flattent,  gemissent:  ceux  qui  se  plaisent,  soyent  effrayez,  et  ceux  qui  se  persuadent  estre  iustes,  qu'ils  regardent  de  pres  a  eux,  afin  que  tous  soyent  amenez  a  ceste  cognoissance  des  pechez  par  laquelle  nous  serons  menez  a  repentance  et  consequemment  a  la  grace  de  Dieu.  Et  Voyla  pourquoy  S.  Pierre  use  d'une  si  aspre  reprehension  envers  les  Iuifs,  disant  qu'ils  ont  crucifie  et  occis  Iesus  Christ.  Il  adiouste  puis  apres,  estant  livre  par  le  conseil  diffini  et  prevoyance  de  Lieu.  Comme  s'il  eust  dit,  Combien  qu'il  ait  este  livre  .par  la  main  des  iniques  et  que  vous  l'ayez  mis  a  mort,  toutesfois  cela  ne  s'est  point  fait  sans  la  volonte  de  Dieu.  Or  ce  n'est  point  sans  cause  que  Pierre  adiouste  ce  mot,  Par  le  conseil  et  prevoyance  de  Dieu.  Car  les  Iuifs  eussent  peu  replicquer:  S'il  est  ainsi  que  ce  Iesus  Christ  duquel  tu  nous  parles  t  est  le  Messias,  puorquoy  a-ii  souffert  d'estre  ainsi  tormente  et  mis  a  mort?  Et  c'est  une  chose  fort  difficile  a  leur  persuader,  comme  nous  voyons  encores  auiourd'huy  qu'ils  s'en  mocquent  et  disent,  Si  Iesus  estoit  Fils  de  Dieu,  comment  a-il  endure  cest  opprobre  de  la  croix?  Ainsi  les  meschans  desgorgent  ce  blaspheme  a  cause  de  l'obiect  de  ceste  croix,  qui  leur  semble  une  chose  derogante  a  la  maieste  du  Fils  de  Dieu.  Et  pourtant  S.  Pierre  va  au  devant  de  telles  fantasies,  42