25:658  sible:  il  nous  a  delivre  du  gouffre  d'enfer,  il  nous  a  retire  des  liens  du  diable  et  de  la  mort:  puis  qu'ainsi  est  donc,  ne  doutons  point  qu'a  l'advenir  il  ne  soit  tousiours  semblable  a  soy,  et  qu'il  ne  persiste.  Et  au  reste,  notons  bien  aussi  ce  qui  est  dit  en  ce  passage:  Le  Dieu  de  tes  peres  fa  promis  la  terre:  la  voici  donc  a  ton  commandement,  que  tu  y  entres,  et  que  tu  la  possedes:  c'est,  que  nous  deferions  tant  a  la  verite  de  Dieu,  que  nous  tenions  pour  tout  resolu,  que  d'autant  qu'il  nous  a  adoptez  pour  ses  enfans:  que  nostre  heritage  est  certain  et  infallible  au  ciel.  Car  a  quelle  intention  est-ce  que  l'Evangile  nous  est  presche,  sinon  que  nous  cognoissions  Dieu  estre  nostre  pere,  et  qu'estans  ses  enfans  par  ceste  adoption  gratuite  qu'il  a  faite  envers  nous,  nous  soyons  asseurez  que  l'heritage  du  royaume  des  cieux  nous  appartient?  Et  de  faict,  voila  aussi  pourquoy  l'Evangile  est  appelle  le  royaume  des  cieux,  que  la  porte  nous  est  ouverte,  afin  que  des  auiourd'huy  nous  ne  doutions  point  que  Dieu  ne  nous  advoue  pour  ses  heritiers.  Mais  il  nous  faut  considerer  l'heritage  que  Dieu  nous  donne  par  dessus  tous  les  biens  desquels  Moyse  a  parle:  car  encores  il  falloit  que  les  Iuifs  se  tinssent  a  ce  qui  a  este  dit  a  Abraham,  Isaac,  et  Iacob.  Or  maintenant  l'Evangile  nous  est  un  autre  tesmoignage  :  car  non  seulement  Dieu  est  appelle  le  pere  d'Abraham,  Isaac,  et  Iacob,  mais  de  nostre  Seigneur  Iesus  Christ,  qui  tellement  est  nostre  chef,  qu'estans  unis  a  luy,  nous  sommes  participans  de  sa  propre  substance  et  de  sa  vie,  et  ne  devons  point  douter  que  l'heritage  du  royaume  des  cieux  ne  nous  appartienne.  Tout  ainsi  donc  que  Moyse  a  dit  aux  Iuifs:  Le  Dieu  de  vos  peres,  il  faut  que  ceste  voix  resonne  a  nos  aureilles:  Le  Dieu  pere  de  nostre  Seigneur  Iesus  Christ  non  seulement  nous  a  promis  le  royaume  des  cieux  :  mais  il  nous  a  donne  de  quoy,  afin  de  nous  en  asseurer  tant  plus.  Car  nous  avons  la  perfection  et  l'effect  en  ce  que  nostre  Seigneur  Iesus  Christ  a  endure  mort  et  passion  pour  nous  acquerir  cest  heritage,  duquel  nous  estions  privez  et  bannis  en  la  personne  de  nostre  pere  Adam.  Or  maintenant  donc  nous  voyons  commeil  nous  faut  contempler  ceste  doctrine:  c'est,  combien  que  nous  soyons  povres  malheureux,  que  nous  meritions  d'estre  reiettez  de  nostre  Dieu  qu'il  n'y  ait  en  nous  que  toute  malediction,  que  nous  soyons  de  nature  plongez  aux  gouffres  d'enfer,  toutesfois  puis  qu'ainsi  est  que  Dieu  nous  a  adoptez  en  nostre  Seigneur  Iesus  Christ,  et  que  par  foy  nous  sommes  unis  a  luy,  ne  doutons  pas  que  nous  ne  soyons  heritiers  du  royaume  des  cieux.  Et  pourquoy  ?  Dieu  ne  peut  mentir,  et  nous  avons  le  tesmoignage,  d'autant  qu'il  est  immuable,  que  nous  ne  serons  point  frustrez  de  mettre  nostre  confiance  en  luy.  Et  puis  nous  avons  nostre  Seigneur  Iesus  42