23:658  donc  que  le  Royaume  du  fils  de  Dieu  n'est  point  vulgaire,  et  ne  doit  point  estre  estime  a  la  facon  des  autres:  mais  qu'il  a  en  soy  une  propriete  de  nous  iustifier.  Car  les  Roys  terriens  pourront  bien  encores  estre  iustes  d'autant  qu'ils  s'employeront  fidelement  en  leurs  offices,  ils  s'abstiendront  d'outrages,  de  tyrannie,  de  cruautez,  et  rendront  devoir  a  chacun:  en  ceste  sorte  ils  seront  appelez  Iustes.  Mais  il  y  a  une  iustice  toute  autre  au  Fils  de  Dieu  :  c'est  celle  de  laquelle  nous  sommes  faits  participans.  Un  homme  pourroit  estre  comme  un  ange  en  toutes  vertus:  mais  cependant  cela  ne  servira  que  pour  sa  personne.  Il  pourra  bien  donner  bon  exemple  aux  autres,  chastier  ceux  qui  auront  failli,  avoir  l'oeil  a  ce  qu'on  vive  honnestement  et  en  bonne  police:  mais  qu'il  puisse  rendre  les  autres  iustes,  cela  excede  toute  faculte  humaine.  Pourtant  nostre  Seigneur  Iesus  Christ  a  une  iustice  qui  n'est  point  enclose  en  luy,  et  laquelle  il  n'a  point  tant  seulement  pour  soy:  mais  c'est  pour  nous  en  communiquer,  tellement  que  nous  soyons  faits  iustes  devant  Dieu  par  son  moyen.  Et  comment  cela  sera-il?  Nous  avons  desia  monstre  [pag.  48]  que  Dieu  nous  repute  pour  iustes  et  innocens,  quand  il  luy  plait  d'ensevelir  nos  offenses  et  nos  iniquitez:  et  d'autre  part  selon  qu'il  nous  a  regenerez  par  l'Esprit  de  nostre  Seigneur  Iesus  Christ,  c'est  aussi  pour  nous  revestir  de  sa  iustice,  ll  est  bien  vray  que  ceci  ne  se  fait  qu'en  partie:  cependant  que  nous  vivons  en  co  monde,  nos  pechez  nous  sont  bien  pardonnez  pleinement  et  sans  exception:  mais  nous  ne  sommes  reformez  tellement,  qu'il  n'y  ait  tousiours  beaucoup  d'infirmitez  et  de  vices  en  nous.  Et  ainsi  il  nous  faut  avoir  nostre  refuge  a  ceste  iustice,  c'est  a  dire  a  la  remission  de  nos  pechez.  Mais  quoy  qu'il  en  soit,  nous  voyons  comme  en  telle  sorte  nostre  Seigneur  Iesus  Christ  nous  fait  participans  de  sa  iustice.  Voila  donc  le  premier  point  que  nous  avons  a  noter.  Le  second  est  du  lieu  de  Salem.  Salem  emporte  paix:  et  l'Apostre  nous  monstre  qu'outre  la  iustice  que  nous  recevons  de  nostre  Seigneur  Iesus  Christ,  nous  iouissons  quant  et  quant  d'une  paix,  laquelle  luy  seul  donne,  et  que  nous  ne  pouvons  obtenir  par  autre  moyen.  Et  combien  que  les  meschans  et  contempteurs  de  Dieu  taschent  de  se  reposer,  si  est-ce  que  Dieu  les  reveille,  voire  d'un  esprit  de  phrenesie,  tellement  qu'ils  sont  comme  transis.  Car  voila  comme  les  meschans  taschent  a  se  reposer,  c'est  qu'ils  mettent  Dieu  en  oubli  tant  qu'il  [pag.  49]  leur  est  possible,  et  puis  ils  s'abrutissent.  Or  en  despit  de  leurs  dents  si  faut-il  que  Dieu  se  ramentoive:  et  quand  il  leur  apparoit,  ils  tremblent  comme  devant  leur  Iuge.  Et  puis  ils  ont  cent  mille  tesmoins:  car  leur  conscience  leur  est  plus  que  tous  les  procez  du  monde,  mesmes  il  faut  qu'ils  soyent  condamnez  d'eux-mesmes.  Et  42