9:657  657  AD  QUAESTIONES  ET  OBIECTA  IUDAEI  CUIUSDAM.  L  IUDAEUS.  Quaere'.  Quomodo  vos  dicitis  Iesum  venisse,  ut  mundaret  homines  a  peccatis,  et  ut  educeret  eos  a  gehenna,  quum  ille  dum  occisus  est,  auxerit  peccatum  Iudaeorum,  qui  cruci  affixerunt  eum?  Nam  non  potest  inveniri  maius  peccatum,  quam  suspensio  Dei.  CALVINUS.  Quaere  vicissim,  quomodo  lex  data  esse  dicatur  in  salutem,  quum  tamen  et  transgressiones  et  reatum  auxerit.  Constat  enim  Iudaeos  statim  irritum  fecisse  pactum  Dei,  et  iustitiam  legis  violando  iram  Dei  magis  in  se  provocasse.  Imo  quaere,  quomodo  foedus  Dei  quod  singulare  bonitatis  testimonium  fuit,  et  adoptio  qua  filios  Abrahae  sibi  in  peculium  assumpsit,  multis  causa  fuerit  duplicis  interitus:  sicuti  Ezechiel  (16,  53)  Israelem  Sodoma  et  Gromorrha  peiorem  esse  pronunciat,  hac  sola  de  causa,  quod  salutem  sibi  oblatam  contempserit.  Hinc  certe  apparet,  improbis  istis  canibus  nihil  aliud  curae  esse,  nisi  ut  maledicant.  Porro  ad  eorum  quaestionem  facilis  est  responsio,  venisse  quidem  filium  Dei  ut  Iudaeis  primum,  deinde  et  toti  mundo  lucem  vitae  afferret:  sed  tam  Iudaeos  ab  initio,  quam  maiorem  hominum  partem  sua  malitia  lucem  vertisse  in  tenebras.  Neque  mirum  est  vel  novum,  sic  homines  abusos  esse  Dei  gratia,  ut  sibi  exitiale  redderent  quod  destinatum  erat  eorum  saluti.  Certe  quum  Deus  se  populi  redemptorem  fore  promittit,  simul  tamen  denunciat  se  fore  in  lapidem  offendiculi  regno  Israel  et  Iuda.  Quomodo  haec  inter  se  conveniunt,  nisi  quod  Deus  vere  et  non  fallaciter  gratiam  offert,  unde  pendet  solida  populi  felicitas?  Sed  increduli,  dum  illam  respuunt,  duplex  sibi  accersunt  exitium  cuius  rei  documentum  exstitit  in  Davide,  qui  rex  in  hunc  Calvini  opera.  Vol  IX