8:657  657  EPISTOLAE  AD  CALVINUM.  658  potentia.  Naturalis  erat  ibi  potentia,  actu  nondum  ferreus  homo  :  sicut  in  aliis  generationibus  omnibus  1)  naturalis  potentia  antequam  sit  actus:  prius  potentia  filius,  quam  actu  filius.2)  Hinc  ab  omni  generatione  indictionem  nonam  collige,  contra  mathematicam  illam  vestram,  et  realem  invisibilem  generationem,  [pag.  587]  hoc  unum  et  universale  axioma  servans:  Omnis  qui  generat,  in  se  ipso  et  ex  se  ipso  semen  elicit,  antequam  sit  filius,  et  ideale  semen.  Hoc  dicimus  verbi  semen  essentiale,  a  quo  omnia,  et  in  quo  omnia  relucebant,  etiam  angeli,  qui  in  ipsa  creatione  sunt  verbo  assimilati.  Unde  inductio  decima  consurgit,  ab  angelica  visione  et  assimilatione.  Angeli  nihil  unquam  de  Deo  scire  potuerunt,  nisi  quod  eis  in  verbo  ipso  videre  datum  est,  in  quo  ipsi  videbant  faciem  Dei:  tanta  fuit  verbi  excellentia,  manifestatio  Dei,  Christus3)  facies  Dei.  Angeli  et  in  actionibus,  et  in  natura  ipsa,  sunt  assimilati,  conformati,  et  quodammodo  uniti  verbo.  Ab  omni  naturali  actione  est  undecima  inductio,  si  rerum  analogias  intelligas.  Ut  in  naturalibus  actionibus  omne  agens  assimilat,  conformat  et  unit  sibi  passum:  ita  in  divinis  nos  sibi,  ac  etiam  angelos,4)  Deus  assimilat,  conformat  et  une,  externa  lucis  visibili  forma,  et  interno  invisibili  spiritu.  Imo  communicatione  suae  externae  lucis,  ac  ideae  divinae  ratione,  omnia  initio  sibi  naturaliter  similia  et  unita  fecit  Deus,  pulchra  et  bona:  multo  autem  magis  hominem,  Deo  multipliciter  assimilatum  et  unitum.  Prima  est  in  homine  ex  innato  Dei  halitu  unio  naturae,  cum  similitudine  lucentis  formae.  Secunda  est  unio  gratiae  novi  spiritus,  cum  maioris  fulgoris  renovata  intus  imagine.  Tertia  erit  eximia  unio  finalis  gloriae,  in  qua  videbimus  eum,  sicuti  est,  in  abditissima  illa  luce,  nemini  unquam  visa,  nec  angelis  ipsis,  nec  beatis  animis,  sed  soli  Christo.  Adhuc  sunt  nobiscum  magis  beandi  boni  angeli,  sicut  mali  magis  puniendi.  Ut  nunc  omittam  angelorum  similem  et  conformem  Deo  voluntatem,  et  ingentem  erga  nos  caritatis  ardorem:  in  hoc  quoque  se  verbo  Dei  conformabant,  quod  sicut  eius  erat  omnisormis  essentia,  ita  illi  pro  ipsius  imperio,5)  ut  nobis  ministrarent,  in  varias  formas  passim  transibant,  humanam  semper  reverendo.  Cuius  odio  Satan,  contra  Dei  imperium  agens,  et  a  beata  unione  discedens,  in  serpentem  degeneravit,  relicta  [pag.  588]  forma  Dei.  Duodecima  igitur  a  deformatione  daemonis  sequitur  inductio.  Deformatio,  intus  et  extra,  tanta  fuit  in  daemone^  ut  hominis  formam  assumere  iam  non  possit,  sine  deformitate  aliqua.  Non  potest  nunc  daemon  se  hominem  fingere,  quin  deformis  appareat.  1)  Add.  est.  2)  filius  om.  3)  Christi  facies,  Dei  angeli  e  t  .  .  .  4)  angelis.  5)  ita  pro  illius  imperio  ipsi.  Calvini  opera.  Vol.  VIII.