49:657  657  SUR  L'EPITRE  AUX  CORINTHIENS.  658  a  nostre  usage  ce  mot  la,  ou  S.  Paul  dit  qu'avec  la  tentation  Dieu  donnera  aussi  l'evenement.  Or  pour  conclusion,  il  monstre  bien  que  quand  il  a  ainsi  modere  la  rudesse  de  ses  propos,  ca  este  pour  faire  valoir  l'exhortation  que  nous  avons  veue  ci  dessus.  Car  il  adiouste,  Pourtant  mes  bienaimez  fuyez  l'idolatrie.  Il  monstre  ici  aux  Corinthiens,  que  quand  il  a  este  leur  iuge  pour  les  condamner  au  nom  de  Dieu,  et  leur  a  propose  quelle  confusion  ils  meritoyent  et  qu'ils  n'en  pouvoyent  estre  quittes  a  moins  de  la  mort  eternelle,  et  qu'il  faisoit  leur  proces  a  tous,  d'autant  qu'ils  avoyent  par  trop  abuse  de  la  bonte  de  Dieu:  ce  n'estoit  pas  qu'il  preinst  plaisir  a  les  picquer  et  traitter  rudement.  Car  maintenant  il  les  appelle  Bienaimez:  comme  s'il  disoit,  tout  ce  que  vous  avez  ouy  de  rudesse,  n'a  pas  este  que  ie  vous  fusse  ennemi.  Ie  procure  mesme  voBtre  salut,  et  en  vous  tenant  encores  pour  freres,  ie  vous  monstre  que  vous  pouvez  retourner  a  Dieu  :  car  ie  suis  son  messager.  Cognoissez  donc  que  iusques  ici  ie  vous  ay  condamnez,  afin  que  vous  soyez  absous:  et  qu'apres  avoir  cognu  vos  vices  et  transgressions:  vous  demandiez  pardon  a  celuy  que  vous  avez  offense.  Nous  voyons  (di-ie)  que  S.  Paul  a  voulu  cela,  et  la  procedure  le  monstre.  Or  il  rentre  au  propos  qui  a  este  deduit  par