48:657  657  DE  LA  PENTECOSTE.  658  Or  S.  Pierre  a  eu  yci  besoin  de  declarer  tous  ces  deux  articles:  car  les  Iuifs  ne  scavoyent  pas  Iesus  Christ  estre  le  Messias  envoye  de  Dieu,  et  encore  moins  la  vertu  qui  estoit  en  luy,  et  pourquoy  il  estoit  venu.  Et  pourtant  il  leur  monstre  qu'il  est  apparu  Fils  de  Dieu  entr'eux  entant  qu'il  est  ressuscite  et  que  par  ceste  resurrection  ils  peuvent  cognoistre  qu'il  est  tel:  pource  qu'il  a  este  delivre  de  la  mort  et  en  a  este  victorieux,  et  que  pourtant  il  faut  chercher  en  luy  vie  et  salut.  Voyla  que  S.  Pierre  veut  monstrer  en  premier  lieu:  puis  il  monstrera  quel  fruit  nous  avons  de  sa  resurrection,  et  cela  sera  declare  puis  apres  en  son  lieu.  Or  maintenant  puis  que  nous  scavons  quelle  est  l'intention  de  S.  Pierre,  et  quel  ordre  il  tient  en  son  sermon,  ensuyvons-le,  et  apprenons  de  cognoistre  que  si  tost  que  Dieu  nous  a  fait  quelque  bien,  c'est  d'autant  que  nous  sommes  membres  de  Iesus  Christ,  et  non  pas  qu'il  soit  esmeu  a  ce  faire  par  nos  oeuvres,  ne  pour  chose  que  nous  luy  scachions  presenter.  Cependant  aussi  ne  vagons  plus  en  nos  imaginations,  pour  nous  persuader  ceci  et  cela,  mais  venons  droit  a  la  cognoissance  de  nos  pechez  pour  nous  en  desplaire:  comme  nous  voyons  que  sainct  Pierre  y  amene  yci  les  Iuifs,  quand  il  traitte  de  la  mort  de  Iesus  Christ.  Il  les  accuse  en  premier  lieu  disant  Vous  Vavez  meurtri.  On  voit  bien  que  ceci  n'est  point  pour  les  flatter.  Et  de  faict  il  faloit  que  S.  Pierre  meist  cela  au  devant  pour  leur  poindre  le  coeur,  et  les  navrer  iusqu'au  vif:  comme  nous  verrons  apres  qu'ils  ont  eu  telle  componction  et  amertume  de  coeur,  qu'ils  en  ont  este  convertis.  Et  c'est  par  ce  moyenci  qu'il  faut  gaigner  les  hommes  pour  les  humilier  et  les  amener  a  la  cognoissance  de  leurs  fautes.  Car  si  on  leur  presche  tousiours  choses  plaisantes  et  delectables,  ils  ne  s'en  feront  que  gaber,  et  voudront  faire  des  compagnons  avec  Dieu  et  s'en  iouer  comme  d'un  homme  mortel.  Nous  voyons  qu'il  en  est  advenu  a  la  Samaritaine  quand  elle  parle  a  Iesus  Christ  et  qu'il  luy  propose  l'eau  vive,  de  laquelie  si  elle  boit  elle  n'aura  iamais  soif,  elle  se  mocque  de  luy  comme  une  paillarde  qu'elle  est:  mais  apres  qu'il  Famene  k  la  cognoissance  de  son  peche,  luy  disant  qu'elle  voise  querir  son  mari,  et  luy  declare  toute  son  iniquite,  elle  parle  bien  plus  bas  qu'elle  ne  faisoit  au  commencement.  Quand  il  luy  mettoit  en  avant  les  graces  de  Dieu  simplement,  elle  se  mocquoit  de  luy:  Et  ou  sera  la  seille  pour  puiser  de  l'eau,  veu  que  le  puis  est  si  profond?  Mais  quand  il  luy  dit,  Tu  es  une  putain,  tu  as  eu  cinq  maris,  et  celuy  que  tu  as  maintenant  n'est  pas  ton  mari,  alors  elle  recognoist  son  peche  et  appelle  Iesus  Christ  sainct  Prophete.  Ainsi  donc  iusques  a,  ce  que  les  hommes  ayent  une  frayeur  de  leurs  pechez,  iamais  ils  ne  donneront  lieu  a  la  Calvini  opera.  Vol  XLVIII.