25:657  657  SUR  LB  DEUTER.  CHAP.  I.  658  tout  le  monde.  Quand  donc  il  nous  retire  d'une  servitude  si  miserable,  et  que  par  son  sainct  Esprit  il  nous  met  en  liberte,  n'est-ce  pas  comme  s'il  nous  faisoit  passer  parmi  des  gouffres  d'enfer?  car  nous  y  sommes  de  faict,  et  ne  pouvons  approcher  de  Iesus  Christ.  sinon  que  nous  soyons  sortis  des  abysmes  de  mort.  Quand  donc  il  n'y  auroit  que  cela,  que  Dieu  nous  a  retirez  de  la  malediction  laquelle  nous  estoit  acquise  par  Adam,  et  en  laquelle  nous  sommes  tous  enclos  et  enserrez  iusques  a  ce  qu'il  ait  pitie  de  nous:  voila  une  experience  qui  nous  doit  bien  faire  sentir  sa  bonte:  et  quand  il  n'y  auroit  que  cela,  nous  devons  prendre  courage  a  le  suyvre,  et  nous  addonner  du  tout  a  luy.  Car  si  nous  sommes  lasches,  il  n'y  auroit  point  d'excuse,  d'autant  que  nous  sommes  assez  confermez  de  sa  bonte,  et  ne  tient  qu'a  nous  que  nous  ne  soyons  plainement  resolus  et  persuadez  qu'il  parfera  ce  qu'il  a  commence.  Et  qu'ainsi  soit,  si  chacun  pensoit  bien  a  soy,  nous  trouverions  qu'en  des  facons  infinies  Dieu  nous  a  fait  surmonter  des  choses  qui  sembloyent  estre  impossibles.  Mais  quoy?  pour  reciter  nos  vaillances,  nous  alleguerons  bien  ceci  et  cela,  et  n'aurons  que  par  trop  bonne  memoire  quand  nous  aurons  fait  une  chose  de  rien,  tant  y  a  que  nous  la  saurons  magnifier,  et  en  ferons  les  contes.  Voila  comme  le  hommes  tousiours  pour  leur  gloire  se  pourront  bien  souvenir  de  tout  ce  qu'ils  ont  fait  en  ce  monde  :  mais  cependant  nous  oublions  meschamment  les  graces  de  Dieu.  Car  il  besongne  envers  nous,  tellement  que  nous  en  devrions  estre  touchez  pour  recognoistre  sa  bonte,  ou  au  contraire  nous  ne  faisons  que  mettre  tout  sous  le  pied.  Dieu  nous  aura  delivrez  de  beaucoup  d'abysmes,  il  nous  aura  fait  passer  parmi  de  grans  obstacles,  que  nous  eussions  cuide  estre  comme  forclos  et  du  tout  perdus,  et  Dieu  nous  aura  tendu  la  main,  et  nous  n'y  pensons  point.  Et  ainsi  donc,  ce  que  nous  voyons  les  nommes  estre  lasches  et  tardifs  a  suyvre  Dieu,  c'est  pource  qu'ils  mettent  en  oubli  les  graces  qu'ils  ont  desia  experimentees,  et  sont  semblables  aux  Iuifs.  Et  pourtant  il  faut  qu'un  chacun  de  nous  recognoisse  en  cest  endroit  sa  faute,  pour  gemir  devant  Dieu,  et  pour  cercher  le  remede.  Voila  comme  nous  avons  a  pratiquer  ce  passage  par  similitude,  c'est  que  quand  les  promesses  de  l'Evangile  nous  sont  mises  en  avant  pour  parvenir  au  royaume  des  cieux,  que  nous  regardions  par  quel  bout  Dieu  a  commence  en  nous,  comme  il  nous  a  approche  de  soy,  comme  il  nous  a  fortifiez,  afin  de  nous  faire  sortir  de  la  condamnation  de  laquelle  nous  sommes  tant  et  plus  convaincus.  Quand  donc  nous  penserons  a  cela,  que  nous  aurons  congneu:  Toici  nostre  Dieu  qui  nous  a  faits  participans  de  sa  vertu,  nous  en  avons  une  experience  trop  vi-  Calvini  opera.  Vol.  XXV.