23:657  657  SERMONS.  65$  en  sa  Cene  dit,  Voyci  le  sang  du  nouveau  Testament,  et  par  ainsi  perpetuel:  comme  s'il  disoit,  que  nous  ne  devons  point  estimer  qu'il  ait  fait  une  reconciliation  sans  duree,  et  qui  fut  pour  un  iour  ou  pour  un  an  soulement;  mais  qu'auiourd'huy  il  exerce  encores  l'estat  de  Sacrificateur,  d'autant  qu'il  est  mediateur  envers  Dieu  son  Pere,  en  vertu  de  la  mort  et  passion  qu'il  a  soufferte  pour  un  coup:  et  qu'il  intercede  tellement  pour  nous,  que  nous  sommes  asseurez  d'estre  agreables  a  Dieu,  quand  nous  venons  a  luy  au  nom  de  nostre  advocat:  et  que  nous  sommes  fondez  et  appuyez  sur  l'oblation  qu'il  a  faite  une  fois,  afin  qu'elle  nous  serve  auiourd'huy,  et  iusqu'a  la  fin  du  monde.  Or  i'ay  dit  qu'il  ne  suffiroit  pas  que  nous  fussions  ainsi  appoinctez  avec  Dieu,  et  que  nos  pechez  nous  fussent  pardonnez,  sinon  que  nous  fussions  quant  et  quant  defendus  et  conservez  sous  la  main  de  Dieu  et  sous  sa  protection.  Pour  ceste  cause  il  a  fallu  que  Iesus  Christ  fut  aussi  bien  Roy.  Car  tout  le  salut  que  nous  esperons  de  Dieu,  il  nous,  le  faut  cercher  en  nostre  Seigneur  Iesus  Christ.  Il  ne  faut  point  que  nous  volions  en  l'air  pour  cercher  bien  loin  ce  qu'il  nous  faut:  car  il  se  donne  et  se  presente  a  nous.  Il  faut  donc  qu'en  la  personne  [pag.  46]  de  ce  Redempteur  nous  trouvions  toute  plenitude  de  ce  qui  est  requis  a  nostre  salut.  C'est  pourquoy  nostre  Seigneur  Iesus  Christ  est  nomme  Roy:  l'onction  qui  luy  a  este  donnee  appartient  a  son  royaume,  afin  que  nous  soyons  enrichiz  de  tous  ses  biens,  que  nous  soyons  deffendus  contre  tous  nos  ennemis,  et  que  nous  ayons  une  forteresse  invincible.  Et  combien  que  nous  soyons  assaillis,  neantmoins  que  la  victoire  nous  demeure  tousiours.  Voila  donc  les  richesses  du  royaume  des  cieux  qui  sont  espandues  sur  nous,  d'autant  que  Iesus  Christ  en  a  este  remply  en  toute  perfection:  nous  en  sommes  desnuez  de  nostre  coste,  il  n'y  a  que  disette  en  nous.  Il  faut  donc  que  nous  venions  mendier  de  luy,  et  qu'il  use  de  liberalite,  afin  de  nous  suvenir.  Cequ'il  fait  quand  il  nous  distribue  les  graces  de  son  sainct  Esprit,  afin  que  nous  soyons  reformez  a  son  image.  Et  puis  il  faut  que  le  diable  soit  repousse.  Et  quelle  force  avons-nous  de  nostre  part?  Il  ne  faut  que  la  moindre  tentation  du  monde  pour  nous  avoir  abatus,  et  mesme  nostre  umbre  nous  fait  comme  esvanouir:  mais  il  est  dit  que  quand  Iesus  Christ  nous  aura  prins  en  sa  garde,  nous  serons  en  telle  forteresse,  que  tous  nos  ennemis  n'auront  nulle  puissance  sur  nous.  Maintenant  nous  voyons  beaucoup  mieux  que  ce  n'est  point  sans  cause  que  Dieu  a  use  de  serment  solennel,  quand  il  a  institue  [pag.  47]  nostre  Seigneur  Iesus  Christ,  Roy  et  Sacrificateur  selon  l'ordre  de  Melchisedec.  Or  l'Apostre  poursuit  encores  plus  outre,  et  insiste  sur  les  noms:  car  Melchisedec  signifie  Roy  de  iustice.  Il  nous  monstre  Calvini  opera.  Vol  XXIII.