8:656  ritalis  1)  aetherea  substantia,  terrae  nihil  communicans,  quasvis  formas  facile  accipiunt.  Humana  tamen,  quae  potior  erat  in  verbo,  ipsorum  formatore,  fuit  quoque  semper  ipsis  potior.  Imaginem  hominis  vocat  angelum  Daniel,  cap.  10.  Ad  angelos  dictum  est*.  Faciamus  hominem  terreum,  ad  formam  et  figuram  nostram  aetheream.  Terreus  dictus  Adam  ab  adama,  ut  homo  ab  humo,  accepit  vere  supernam  formam.  Ipsi  terrae  data  est  tunc  ea  forma,  quae  iam  antea  erat  in  aethere,  omnium  formarum  speciosissima,  quam  reliquae  omnes  mundi  formae  venerantur,  quam  et  filio  suo  Deus  elegit.  In  verbo  iam  ea  forma  multis  viis,  seu  multis  inductionibus,  ostenditur,  si  hoc  bene  prius  teneas,  me  non  dicere  in  verbo  formam  corpoream,  sed  prolationem,  exhibitionem  divinam,  instar  formae  corporeae.  Audi  nunc  inductiones  [pag.  586]  meas,  ut  in  verbo  intelligas  formalem  aliquam  rationem.  Inductio  prima  est  ex  ipsa  sapientiae  omniformis  cognitione.  Si  sapientiam  credis  omniformem,  credes  et  in  ea  forma2)  hominis  principem  formam.  Inductio  secunda  est,  ex  proprio  significatu3)  vocis  λόγος,  quod  est  sermo  referens,  ratio  referens,  repraesentans.  Inductio  tertia  est  ab  ipsa  luce.  Si  naturale  et  proprium  creatae  et  increatae  lucis  semper  fuit,  rerum  aliarum  exprimere  ideas,  in  ipsa  Christi  luce  sitas:  multo  magis  erit  ei  proprium,  exprimere  Christum,  a  quo  omnia,  et  qui  prvmus  erat  scriptus  in  capite  libri.  In  luce  animae  tuae  quam  ais  invisibilem,  concedis  esse  rerum  visibilium  formas:  cur  igitur  offenderis,  si  in  luce  ipsa  Dei  dicam  ego  esse  formas  tales?  An  non  inde  derivantur  illae  in  animam  tuam?  Inductio  quarta  est,  a  visione  et  facie  Dei.  Non  erat  falsum,*)  id  quod  videre  cupiebat  Moses.  Lux  erat  Dei  ibi  abscondita,  nobis  manifestata.  Inductio  quinta  est  ab  omni  semine,  sicut  verbum  erat  semen,  vere  formale.  Ad  illius  exemplaris  instar,  in  semine  tam  animalis,  quam  stirpis  cuiusque,  est  formalis  virtus  quaedam,  talis  rei  figurativa:  non  solum  talis  iuxta  certam  speciem,  sed  iuxta  certum  individuum,  quale  est  ipse  Christus.  Non  solum  erat  in  verbo  naturalis  virtus  figurativa  Christi,  sed  figura  ipsa  visibilis,  ob  peccatum  reddita  invisibilis.  Inductio  sexta  est  ab  hominis  formatione,  qui  ad  formae  illius  supernae  imaginem  et  similitudinem  est  corpore  et  anima  formatus.  Inductio  septima  est  ab  essentiali  conformatione.  Si  essentialiter  nunc  est  verbum  in  homine,  et  essentialiter  est  verbum  homo,  essentialiter  conformatur  et  co  aptatur  formae  et  figurae  hominis:  atque  ita  ab  aeterno  habuit  aptitudinem  et  respectum  formae  et  figurae  hominis.  Inductio  octava  est  a  naturali  1)  spirituales.  2)  formam.  3)  significata.  4)  Add.  spectrum.