7:656  illis  locus  refrigerii,  lucis  et  pacis.  Non  nego  hanc  suisse  vetustissimam  consuetudinem:  et  quoniam  magna  est  vis  consuetudinis,  aut  potius  regnum,  ideo  eiusmodi  preces  fateor  Chrysostomo,  Epiphanio,  Augustino  et  similibus  probatas  fuisse,  quod  a  maioribus  quasi  per  manus  traditae  essent.  Etsi  non  existimo,  multo  ante  eorum  aetatem,  quos  nominavi,  obrepsisse  in  usum.  Sed  quod  brevi  tempore  utcunque  invaluerat,  nimia  facilitate,  sine  ratione  aut  iudicio,  sequuti  sunt.  Verum,  quia  Augustinum  moderatoribus  libuit  citare  testem  :  audiant  quantum  ipse  idem  alibi  in  contrariam  sententiam  magis  inclinet.  JRecepti  sunt  in  pace,  inquit,  1)  sancti  patriarchae,  prophetae,  apostoli,  martyres,  boni  fideles.  Omnes  tamen  adhuc  in  fine  recepturi  sunt,  quod  promisit  Deus.  Promissa  enim  est  carnis  etiam  resurrectio,  mortis  consumptio,  vita  aeterna,  cum  angelis.  Hoc  omnes  simul  accepturi  sumus.  Nam  requiem,  quae  continuo  post  mortem  datur,  si  ea  dignus  est,  tunc  accipit  quisque,  quum  moritur.2)  Si  una  omnibus  est  requies,  non  minus  pro*  quovis  ex  grege  fidelium  supervacaneum  erit  orare,  quam  pro  Iesaia  vel  Paulo.  Atqui,  hoc  posterius  fieri  debere,  Augustinus")  ubique  negat.  Superest  igitur,  ut  quiete  sua,  ultra  quam  nihil  nunc  melius  optari  illis  potest,  sinamus  eos  frui,  nec  Dei  nomine  in  precibus  non  legitimis  abutamur.  Traditionem  apostolicam  mediatores  esse  volunt:  idque  Dionysii4)  testimonio  probant.  Porro,  in  recitandis  eius  verbis  apostolorum  nomen  ita  furtim  [pag.  176]  interserunt,  ut  videatur  ab  ipso  positum.  Atqui,  divinos  illic  duces  nominat,  quos  subinde  vocat  magistros.  Deinde,  quasi  oculos  mundo  confixerint,  epitheto  Areopagitae  ornant  suum  Dionysium.  De  Areopagita5)  Eusebius  aliquoties  meminit:  quem  Atheniensis  ecclesiae  primum  fuisse  episcopum  dicit:  atque  ita  traditum  a  Dionysio  Alexandrino  refert.  Sed  quidquam  ab  eo  literis  mandatum,  non  dicit:  quod  certe,  si  fuisset  verum,  non  erat  omissurus.  Hieronymus  vero,  in  Scriptoribus  ecclesiasticis,6)  duos  numerat  Dionysios:  Corinthium  unum,  qui  sub  Marco  Antonino  Vero  et  L.  Commodo  floruerit  :7)  alterum  Origenis  discipulum,  qui  Alexandrinus  episcopus  fuerit,  sub  Gallieni  imperio.  Sed  inter  eorum  scripta,  quae  diligenter  recenset,  coelestis  vel  ecclesiasticae  Hierar-  1)  Homil,  in  Ioan.  49.  2)  Add.  Voyla  les  propres  motz  de  sainct  Augustin.  3)  Add.  et  tous  les  autres  docteurs.  4)  de  ie  ne  say  quel  qu'ilz  appellent  sainct  Denys  l'ayant  canomze  a  leur  poste.  5)  duquel  il  est  aussi  parle  aux  Actes.  6)  parlant  de  tous  les  Docteurs  Ecclesiastiques  qui  avoyent  este  depuis  les  Apostres  iusques  a  son  temps.  7)  environ  cent  ans  apres  la  mort  de  I.  C.  {nominibus  Caesarum  hic  et  in  seqq.  omissis).