49:656  des  putains.  Toutes  ces  choses  la  luy  advienent.  Mais  quoy?  comme  i'ay  declare,  Dieu  scait  bien  la  portee.  Et  ainsi  toutesfois  et  quantes  que  nous  serons  tentez,  recourons  a  Dieu,  et  prenons  ceci  comme  luy  faisant  une  remonstrance,  Helas,  Seigneur,  tu  vois  combien  ie  suis  infirme,  il  ne  faut  qu'un  bien  petit  vent  pour  me  veoir  abatu.  Il  est  vray  que  i'ay  receu  de  ta  grace  assez  pour  te  magnifier  et  benir  ton  sainct  Nom  a  iamais,  tant  y  a  encores  que  me  voici  debile.  Ainsi  donc  Seigneur,  que  tu  ayes  esgard  a  mon  infirmite.  Voyla  comme  nous  avons  a  pratiquer  ceste  doctrine:  non  point  que  Dieu  ait  besoin  qu'on  luy  remonstre,  comme  s'il  n'estoit  pas  adverti  de  ce  qui  est  en  nous  :  mais  cela  se  fait  pour  nostre  profit,  afin  que  nous  ne  doutions  point  que  Dieu  ne  cognoisse  que  nous  n'avons  point  la  vertu  de  porter  grans  orages,  ni  grandes  tempestes  :  et  que  comme  il  nous  donne  et  envoye  les  afflictions,  aussi  il  ne  permettra  point  que  nous  soyons  du  tout  accablez.  Maintenant  nous  voyons  combien  ceste  doctrine  nous  est  utile,  quand  il  est  dit  que  Dieu  ne  permettra  point  que  nous  soyons  tentez  outre  nostre  pouvoir:  mais  encores  la  declaration  que  S.  Paul  adiouste,  merite  bien  d'estre  poisee,  Qu'il  donnera  aussi  l'evenement  avec  la  tentation.  Dieu  pourvoit  en  deux  moyens  au  salut  des  siens,  et  de  tous  ceux  qui  esperent  en  luy,  et  l'invoquent  quand  ils  sont  tentez.  Car  en  premier  lieu  il  augmente  sa  vertu  en  eux,  quand  il  les  veut  ainsi  esprouver:  et  puis  il  retire  la  tentation,  quand  il  voit  qu'ils  en  ont  assez,  et  n'en  scauroyent  souffrir  ni  soustenir  d'avantage,  et  de  cela  nous  Pexperimentons.  Car  quelque  fois  quand  Dieu  nous  envoyera  une  tentation,  il  semblera  du  premier  coup  que  nous  en  devions  estre  abysmez.  Et  de  faict  si  Dieu  commencoit  par  l'extremite,  nous  serions  surprins:  mais  il  commencera  a  nous  essayer  selon  nostre  portee.  Et  bien,  le  mal  s'augmente-ii  ?  voyla  Dieu  qui  nous  fortifiera,  et  nous  donnera  dequoy:  tellement  que  nous  porterons  plus  que  nous  n'eussions  attendu:  et  il  surmonstera  nostre  opinion.  Voyla  donc  le  premier  moyen  que  Dieu  ha  de  ne  point  souffrir  que  nous  soyons  tentez  outre  nostre  pouvoir:  c'est  quand  il  nous  donne  une  vertu  nouvelle,  de  laquelle  nous  estions  auparavant  destituez.  Et  puis  il  y  a,  qu'il  met  fin  a  la  tentation:  ii  ne  veut  point  que  nous  defaillions  du  tout:  et  pour  ceste  cause  il  fait  cesser  les  afflictions.  La  ou  nous  pensions  que  ce  ne  deust  iamais  estre  fait,  et  qu'il  n'y  eust  nulle  issue,  nostre  Seigneur  nous  en  fera  sortir:  nous  serons  esbahis  de  veoir  la  clarte  de  vie,  la  ou  nous  estions  engloutis  des  tenebres  de  mort  :  et  serons  contrains  de  cognoistre  que  Dieu  a  besongne  outre  nostre  opinion,  voire  en  une  minute  de  temps.  Et  c'est  comme  nous  devons  applicquer