48:656  et  resurrection  de  Iesus  Christ.  Car  il  faloit  tout  premierement  que  les  Iuifs  cognussent  que  Iesus  Christ  estoit  le  Fils  de  Dieu.  Et  c'est  ce  que  S.  Pierre  veut  prouver  par  ce  qu'il  propose  yci*  II  y  a  deux  choses  que  nous  devons  cognoistre  de  Iesus  Christ.  La  premiere  est  qu'il  faut  que  nous  croyons  qu'il  est  le  Messias,  c'est  a  dire,  l'Oinct  du  Seigneur  promis  en  la  Loy,  et  duquel  les  Prophetes  ont  escrit,  et  que  c'est  luy  qui  a  endure  la  mort  pour  nostre  redemption,  et  que  neantmoins  il  n'a  este  detenu  d'icelle,  mais  qu'il  est  ressuscite  en  gloire  triomphant  sur  tous  ses  ennemis.  Voyla  quant  au  premier  poinct.  Puis  apres  pour  le  second,  quand  nous  scavons  que  Iesus  Christ  est  mort  pour  nous,  il  faut  que  nous  cognoissions  quel  il  est  et  quel  bien  nous  devons  recevoir  de  luy.  Voyla  deux  choses  qu'il  nous  faut  bien  noter:  car  si  nous  avions  maintenant  a  enseigner  un  luis,  il  faudroit  commencer  par  cela  pour  l'instruire  en  la  Chrestiente,  de  luy  remonstrer  que  Iesus  Christ,  qui  a  este  nay  de  la  vierge  Marie,  lequel  ses  predecesseurs  ont  livre  a  mort,  est  celuy  que  Dieu  leur  a  promis,  et  comment  il  leur  a  assigne  le  temps  qu'il  faloit  qu'il  veinst  au  monde.  Puis  comment  ii  luy  a  rendu  tesmoignage  qu'il  estoit  son  Fils,  qu'il  l'a  approuve  par  signes  et  miracles  qu'il  a  faits  au  milieu  d'eux,  et  semblablement  qu'apres  il  est  monte  aux  cieux  il  a  envoye  son  sainct  Esprit,  suyvant  ce  qui  en  avoit  este  predit.  Voyla,  di-ie,  qu'il  faudroit  dire  a  un  luis  pour  luy  faire  cognoistre  Iesus  Christ.  Puis  il  luy  faudroit  faire  entendre  que,  quand  il  est  parle  en  l'Escriture  du  regne  du  Messias,  c'est  un  regne  spirituel,  afin  qu'il  ne  s'abuse  point  de  penser  que  ce  soit  un  roy  terrien,  comme  tous  les  Iuifs  imaginent.  Et  c'est  ce  qui  leur  a  fait  denier  Iesus  Christ,  pour  autant  qu'ils  ne  l'ont  point  veu  regner  sur  le  peuple  comme  ils  estimoyent  qu'il  devoit  faire.  Or  envers  les  Papistes  nous  n'avons  pas  a  insister  sur  le  premier  poinct,  mais  seulement  sur  le  second.  Car  ils  confessent  bien  avec  nous  Iesus  Christ  estre  Fils  de  Dieu,  et  celuy  qui  a  este  promis  en  la  Loy,  qu'il  a  este  mis  a  mort  et  qu'il  est  ressuscite.  Voyla  en  quoy  nous  accordons  sans  difficulte.  Mais  il  leur  faut  enseigner  pourquoy  il  est  venu,  car  ils  ne  le  cognoissent  point  tel  qu'il  est.  Nous  scavons  qu'il  faut  croire  qu'en  Iesus  Christ  seul,  et  par  le  merite  de  sa  mort  et  passion,  nous  avons  salut.  Les  Papistes  au  contraire  attribuent  cela  a  leurs  oeuvres  et  merites,  et  a  leurs  foles  inventions,  et  leur  semble  que  par  ce  moyen  ils  se  peuvent  sanctifier.  Ils  cherchent  donc  en  leurs  oeuvres  ce  qui  ne  se  peut  trouver  sinon  en  Iesus  Christ.  Voyla  comme  il  ne  faudroit  rien  enseigner  aux  Papistes,  touchant  la  personne  de  Iesus  Christ,  mais  seulement  leur  monstrer  quelle  est  sa  vertu,  pourquoy  il  est  venu,  et  quel  profit  nous  en  pouvons  recevoir.