35:656  chose  est  dure  et  estrange,  et  cependant  nous  n'avons  pas  l'avis  et  la  prudence  d'applicquer  cela  a  nostre  instruction.  Car  puis  que  le  Fils  de  Dieu  est  venu  iusques  la,  pouvions-nous  ailleurs  trouver  quelque  remede?  Il  est  certain  que  non:  et  pouvons  facilement  iuger  qu'il  n'y  avoit  nul  homme,  ni  Anges,  ne  rien  qui  soit,  qui  nous  peust  secourir,  mais  qu'il  nous  faloit  avoir  nostre  refuge  au  Fils  de  Dieu.  Et  d'autant  plus  a  este  execrable  ce  diable  (qui  a  este  yci  execute),  Servet:  car  il  a  falsifie  et  pollue  la  Bible,  quand  il  a  dit  que  tout  ceci  a  este  prophetize  de  Cyrus,  un  Payen,  un  idolatre:  et  a  despouille  notre  Seigneur  Iesus  Christ  de  ce  qui  luy  est  si  propre,  que  quand  Isaie  eust  attache  ceci  comme  en  un  tableau,  lorsque  Iesus  Christ  a  este  crucifie,  les  choses  ne  pouvoyent  estre  plus  claires,  ne  plus  patentes.  Et'ce  diable  la  est  venu  en  telle  enormite,  qu'il  a  despouille  nostre  Seigneur  Iesus  Christ  de  toute  sa  dignite  et  de  son  office,  et  a  dit  que  c'estoit  un  Payen  qui  a  souffert  pour  le  peuple:  voire,  quand  par  son  ambition  il  a  combatu,  et  pour  son  avarice,  et  que  pour  cela  il  a  eu  son  salaire.  Mais  c'est  une  terrible  falsification  de  cette  belle  Prophetie:  et  defaict,  ce  sens-la  que  ce  malheureux  a  invente,  iamais  ne  fut  pense  de  creature  vivante:  Car  combien  qu'il  y  ait  eu  beaucoup  d'heretiques  qui  se  sont  desbordez  a  pervertir  la  doctrine  de  l'Escriture  saincte,  si  est-ce  que  iamais  ils  ne  sont  venus  iusques  la.  Mais  il  faloit  que  tous  signes  de  reprobation  fussent  en  ceste  malheureuse  creature  la.  Ainsi  donc,  d'autant  plus  nous  faut-ii  bien  noter,  quand  le  Prophete  nous  ramene  a  nostre  Seigneur  Iesus  Christ  que  c'est  afin  (en  premier  lieu)  que  nous  soyons  confus  en  nous-mesmes,  et  puis  que  nous  magnifions  la  bonte  inestimable  de  nostre  Dieu  d'autant  qu'il  a  voulu  que  son  Fils  unique  fust  ordonne  comme  peche  pour  nous:  et  que  nostre  Seigneur  Iesus  Christ  n'a  point  refuse  cela,  mais  comme  s'estant  oublie,  il  a  eu  un  tel  soin  de  nostre  salut,  qu'il  a  voulu  descendre  iusques  aux  abysmes  d'horreur,  pour  soustenir  toute  nostre  malediction.  Or  de  cela  nous  avons  aussi  a  retenir  qu'il  n'y  a  point  d'autre  moyen  de  nous  acquitter  devant  Dieu,  sinon  que  la  satisfaction  du  sacrifice,  lequel  a  este  offert  une  fois  pour  nous,  viene  en  avant.  Vray  est  que  le  monde  veut  tousiours  inventer  ie  ne  scay  quoy  pour  payer  Dieu  (comme  nous  avons  desia  dit  par  ci  devant)  et  nous  le  voyons  assez  aux  Papistes,  qui  ont  beaucoup  de  menus  fatras  pour  appaiser  l'ire  de  Dieu.  Et  defaict,  ils  disent  que  nous  ne  pouvons  pas  estre  absous  sans  satisfaction  :  car  encores  que  Dieu  par  sa  bonte  gratuite  nous  remette  la  coulpe,  si  est-ce  que  la  punition  est  tousiours  retenue  et  reservee,  iusques  a  ce  qu'un  chacun  se  soit  acquitte.  Et  voyla  sur  quoy  est