23:656  Iesus  Christ  s'est  constitue  comme  detteur  principal,  et  par  ce  moyen  nous  a  acquitez  devant  Dieu.  Et  le  diable  mesme  n'a  de  quoy  nous  accuser,  quand  nous  mettrons  nostre  fiance  en  la  satisfaction  qui  nous  a  este  apportee  par  le  Fils  de  Dieu.  Ce  n'est  donc  point  sans  cause  qu'il  est  nomme  Sacrificateur.  Mais  de  nostre  part,  nous  devons  bien  poiser  quel  fruit  nous  avons  a  recevoir  de  cest  office-la.  Car  ce  n'est  pas  seulement  pour  soy,  mais  pour  nostre  utilite  et  salut  que  le  Pere  luy  a  donne  cest  estat  et  dignite  avec  serment  solennel.  Or  notons  qu'il  est  appele  Sacrificateur  perpetuel,  afin  que  cest  honneur  luy  soit  reserve,  et  qu'on  ne  le  transporte  point  ailleurs.  Si  ce  poinct  eust  este  considere  comme  il  devoit,  et  comme  l'Apostre  le  remonstre  tant  bien  que  rien  plus  en  l'Epistre  aux  Hebrieux,  l'abomination  qui  a  este  introduite  au  monde,  et  laquelle  regne  encore  auiourd'huy,  n'eust  iamais  este.  Car  le  Pape  fait  ses  prestres  a  ceste  condition  d'appaiser  Dieu.  Voici  mesmes  les  motz  dont  il  use  quand  il  les  charme,  c'est  a  dire  qu'il  les  consacre  par  ses  sorceleries  :  (Nous  te  donnons  puissance  d1  offrir  hostie  a  Dieu  qui  soit  pour  V  appaiser).  Voila  un  blaspheme  detestable.  Car  c'est  autant  comme  s'ils  vouloyent  dementir  Dieu,  et  aneantir  le  serment  solennel  qu'il  a  prononce  de  sa  bouche,  et  duquel  il  est  parle  au  Pseau  110,  que  [pag.  44]  nous  avons  allegue,  ou  Dieu  dit  que  Iesus  Christ  sera  Sacrificateur  eternel,  voire  luy  seul:  c'est  selon  l'estat  de  Melchisedec,  qui  n'a  point  de  pareil  ou  semblable.  Cependant  voici  les  prestres  de  la  Papaute  qui  se  vantent  d'offrir  Iesus  Christ,  et  d'estre  sacrificateurs  a  Dieu  pour  faire  reconciliation  des  pechez,  voire  pour  les  vivans  et  pour  les  morts.  Car  ils  ne  se  contentent  pas  d'estre  redempteurs  de  ceux  qui  se  rachetent  de  leurs  mains,  comme  des  mains  des  brigans:  mais  ilz  veulent  encore  que  leur  sorcelerie  ait  son  estendue  iusques  aux  trespassez.  Nous  voyons  qu'il  y  a  une  contrainte  plus  que  manifeste  entre  cest  arrest,  qui  est  prononce  de  la  bouche  sacree  de  Dieu,  et  ce  que  cest  Antechrist  a  controuve,  et  qu'il  maintient  encore  auiourd'huy.  Notons  bien  donc  que  non  seulement  Iesus  Christ  s'est  offert  pour  un  eoup,  afin  d'appaiser  l'ire  de  Dieu  son  Pere  envers  nous,  et  de  payer  toutes  nos  fautes:  mais  aussi  que  la  vertu  de  ceste  oblation  qu'il  a  faite,  dure  a  iamais  et  sera  permanente.  Et  voila  pourquoy  l'Apostre  use  de  ceste  similitude,  Que  la  voye  nous  est  dediee  comme  fresche  par  le  sang  de  Iesus  Christ  nostre  Seigneur:  comme  s'il  disoit  que  le  sang  qui  a  este  une  foys  espandu  pour  nostre  salut,  ne  tarit  iamais  et  ne  desseche,  mais  decoule  iournellement  sur  nos  ames  par  la  vertu  du  Sainct  Esprit,  qui  nous  en  arrouse,  [pag.  45]  comme  sainct  Pierre  en  parle  au  premier  chapitre  de  sa  premiere  Canonique.  Et  voila  pourquoy  aussi  Iesus  Christ