8:655  €55  SERVETI  656  elementares  scilicet:  non  habentes  carnem  et  ossa  terrea,  ut  ait  Christus.  Quemadmodum  inter  homines,  ita  inter  spiritus  illos,  alii  aliis  imperant,  sunt  excellentiores,  acutiores,  habentes  plus  agilitatis,  tenuitatis  et  splendoris.  1)  Alii  habent  plus  crassities  et  minus  intellectus.  Crassi  adeo  et  materiales  sunt  inferiores  spiritus,  ut  in  muliebrem  lasciviam  moti,  eam  genii  exsequanhir,  velut  satyri,  et  incubi.  Imo  ob  id  sunt  diluvio  in  abyssi  tartarum  cum  gigantibus  deturbati,  ubi  ligati  in  finale  iudicium  servantur  puniendi.  Ita  ex  antiquitatibus  iudaicis  refert  Iosephus.  Ita  et  Henoch,  ut  a  plerisque  citatur.  Ita  Philo  Iudaeus  in  libro  de  gigantibus.  Ita  quoque  septuaginta  seniores  Hebraeorum  interpretati  sunt,  et  alii  Hebraei.  Ita  cum  apostolis  ipsis,  Petro,  Iuda,  et  Ioanne  intelligunt  Iustinus,  Irenaeus,  Clemens  Bomanus,  Clemens  Alexandrinus,  Tertullianus,  Cyprianus,  Origenes,  Lactantius,  Eusebius,  et  reliqui  veteres.  In  aquam  sunt  daemones  merito  praecipitati,  sicut  et  per  aquam  peccabant.  Nam  velut  aquea  corpora  pulchra  specie  filiorum  Dei  inulienbus  imponebant,  et  generabant,  aqueum  sperma  malis  artibus  paratum  immittentes.  Sine  daemonum  opera  non  fuissent  ita  genita  tam  ingentia  monstra.  Ita  filios  Dei  vocat  Iob,  malos  angelos  cum  gigantibus  in  diluvio  ponens.  Sicut  Salomon  et  JSsaias,  ut  explicui  libro  secundo  de  trinitate,  loco  decimoquarto.  Non  ergo  te  debuit  hoc  tantopere  offendere,  quod  post  prophetas  et  apostolos  maximi  Hebraeorum  ac  Christianorum  theologi  docuerunt,  ac  etiam  philosophi.  Philosophos  taceo,  quia  innumeri  sunt,  Chaldaei,  Aegyptii,  Graeci  et  Latini,  qui  daemones  esse  aerea  corpora  [pag.  585]  dixerunt.  Aerei  daemones,  seu  velut  aerei,  sunt  initio  per  terreum  cibum  puniti,  deinde  in  aquam  submersi,  demum  in  ignem  aeternum.  Varii  sunt  modi  quibus  a  daemonibus  generari  potuerunt  gigantes,  ex  propria  et  multiplici  daemonum  virtute,  ex  observatione  locorum  in  astris,  magna  corpora  facientium,  ex  sumpto  a  magnis  hominibus  semine,  et  ex  victus  ratione,  corpora  roborante.  EPISTOLA  QUINTA.  Illud  te  pariter  offendit,  quod  veluti  naturalem  verbo  et  angelis  dixerim  humanam  Christi  formam  aetheream,  secundum  quam  erat  ipse  in  forma  Dei.  Sed  paulisper  animum  adtende,  et  te  multis  viis  manuducam.  Sicut  nunc  est  vere  reale,  quod  ibi  erat  iii  figura:  ita  nunc  est  homini  Christo  vere  naturalis  ea  forma,  quae  olim  dispositione  Dei2)  figurabatur  in  verbo  et  angelis.  Angelis  hac  ratione  non  est  humana  forma  ita  naturalis,  ut  nobis.  Quum  enim  sint  spi-  1)  et  splendoris  om.  2)  dispensatione.