7:655  655  VERA  ECCLESIAE  656  ita  reperiemus,  quisquis  alios  sibi  patronos  vel  intercessores  quaeritat,  non  esse  huius  patrocinio  contentum.  Sollicite  ergo  cavendum,  ne  plures  aditus  captando  ianuam  illam  nobis  claudamus,  qua  sola  accessus  ad  Deum  patet.  Centies,  si  fieri  queat,  moriamur  potius,  quam  ut  nostro  consensu  in  sacrosanctam  Christi  coenam  irrumpat  talis  profanatio.  Nihilo  etiam  magis  concedendum  est,  quod  festis  diebus  coli  mortuos  volunt,  ut  suis  nos  meritis  associent,  suaque  iuvent  intercessione  apud  Deum.  En  christiana  reformatio,  cuius  spem  faciunt  imperitis.  Si  festos  dies  quaedam  veluti  invitamenta  esse  dicerent,  ad  colendam  virtutum  memoriam,  quae  nos  ad  imitationem  provocet,  aliquis  sane  esset  color:  sed  cultum  [pag.  174]  institui  ex  dierum  observatione,  id  quod  faciunt,  nimis  deforme  est.  Negabunt,  scio,  hoc  sibi  esse  consilium:  sed  ex  re  ipsa  iudicium  fiat.  In  unaquaque  parochia  festum  patroni  diem  celebrandum  praecipiunt:  nec  eo  contenti  vocant  singulares  patronos,  quibus  hic  honor  deferatur:  quum  satis  constet,  non  aliter  hactenus  habitos  esse  patronos,  quam  deos  1)  tutelares  :  an  non  auribus  nostris  inbonare  debet  vox  illa  prophetica:  Secundum  numerum  urbium  tuarum  sunt  dii  tui  (Ier.  2,  28)  ?  Quam  igitur  foeda  erit  nostra  ingratitudo,  si  relicto  vitae  fonte  tales  nobis  fodiamus  cisternas?  Si  solos  prophetas  et  apostolos  eveherent  ad  hunc  honorem,  acriter  intercedere  deceret,  ne  ex  sanctis  Dei  ministris  idola  fierent:  nunc  ad  hanc  impietatem  accedit  nimis  insulsa  absurditas:  quibuslibet  enim  patronis  suos  dies  festos  assignant.  Multa  porro  sunt  templa  Catharinae  dicata,  vel  Christophoro,  vel  aliis  fictitiis  nominibus.2)  Catharinae  aut  Christophori  precibus,  ut  iuvetur  plebs  huius  loci,  a  Domino  postulabit.  Itane  cum  Deo  ludetur,  ut  qui  nulli  unquam  fuerunt  obtrudantur  ad  Deum  exorandum  patroni?  Talibus  monstris  qui  fomenta  suppeditant,  gustumne  aliquem  unquam  habuisse  credendi  sunt  seriae  sinceraeque  Dei  invocationis?  Omitto  Dominicum  et  similes  carnifices.3)  Omitto  Medardum,  Lubinum,  et  similes  eius  bestias.  Quis  enim  finis  esset,  si  singulas  labyrinthi  ambages  excutere  vellem,  in  quem  nos  mediatores  pelliciunt?  Sed  vae  bis  ac  ter  eorum  perfidiae,  qui  se  tam  facile  proiiciunt  in  voluntarium  interitum,  quem  centum  mortibus,  si  centum  haberent  vitas,  propulsare  debuerant.  [pag.  175]  Superest  alter  ordo  mortuorum,  quorum  mentionem  in  coena  fieri  volunt:4)  ut  detur  1)  idoles.  2)  Add.  sans  que  iamais  il  y  eust  homines  ne  femmes  qui  eussent  ainsi  este  appellez  auparavant.  3)  bourreaux  ou  plustost  meurtriers.  4)  Add.  Ce  qu'on  appelle  le  second  Memento.