49:655  655  SERMONS  656  scachions  que  tout  ce  qu'il  y  a  de  vertu  en  nous,  procede  de  Dieu.  Or  s'il  n'y  avoit  plus  d'infirmite,  nous  ne  scaurions  plus  cela:  mais  l'infirmite  donne  lustre  a  la  grace  que  Dieu  nous  fait,  tellement  que  nous  appercevons  comme  a  veue  d'oeil,  que  de  nostre  coste  nous  serions  incontinent  vaincus  par  Satan,  mais  que  nous  surmontons  tout  ce  qu'il  peut  machiner  contre  nous,  d'autant  que  Dieu  bataille,  et  est  nostre  bouclier  et  espee:  et  que  nous  sommes  equippez  de  luy:  brief  que  nous  tenons  tout  de  sa  seule  vertu.  Et  puis  nous  sommes  quant  et  quant  admonestez  de  prier,  quand  nous  voyons  telles  infirmitez,  qu'il  faut  que  nous  soyons  armez  d'en  haut  pour  subsister  en  telle  foiblesse  qui  est  en  nous:  et  que  pour  obtenir  cela,  il  nous  faut  recourir  au  remede  qui  nous  est  monstre,  avec  prieres  et  oraisons.  Notons  bien  donc  que  quand  sainct  Paul  parle  ici  du  pouvoir  des  Corinthiens,  il  entend  la  mesure  de  grace  que  Dieu  leur  a  distribuee,  et  qu'il  scait  la  portee  de  chacun  de  nous:  et  selon  qu'il  nous  a  eslargi  de  sa  vertu,  il  nous  envoye  aussi  les  combats,  mesmes  quand  nous  serons  examinez  iusques  au  vif.  Qui  est  celuy  de  nous  qui  peust  porter  la  tentation  qu'a  portee  Abraham,  quand  il  luy  est  dict,  Ya-t-en,  mene  ton  fils:  voire  ton  fils  unique  Isaac,  celuy  que  tu  aimes  tant,  et  le  tue,  et  l'oifre  en  sacrifice.  Ho,  si  nous  oyions  cela,  qu'il  falust  tuer  nos  propres  enfans,  qui  auroit  le  courage?  Car  si  Dieu  envoye  quelque  maladie  a  nos  enfans,  desia  nous  en  sommes  faschez:  s'il  les  retire,  nous  plaidons,  et  voudrions  contester  contre  luy  tous  les  coups.  Or  qu'un  homme  tue  l'enfant  qu'il  aura  engendre,  son  fils  unique,  et  la  ou  il  auroit  telle  amour  qu'en  Isaac,  (car  c'estoit  le  salut  de  tout  le  monde  qu'Isaac,  pour  ce  qu'en  luy  estoit  enclos  Iesus  Christ)  ce  seroit  une  merveilleuse  tentation.  Neantmoins  Abraham  a  este  delibere  de  venir  a  bout  d'une  telle  tentation  :  il  a  combatu  trois  iours  et  trois  nuits,  et  tousiours  a  persiste  :  et  en  la  fin  il  n'a  pas  tenu  a  luy  qu'il  n'executast  ce  que  Dieu  luy  commandoit.  Et  comment  cela?  Ho,  il  avoit  recu  une  vertu  singuliere,  laquelle  n'est  pas  donnee  a  chacun  de  nous.  Regardons  que  ca  este  de  David  et  de  Iob.  Il  est  vray  que  la  patience  de  Iob  n'a  este  que  pour  un  temps:  car  et  apres  et  devant  l'affliction  de  la  quelle  il  est  parle,  Dieu  l'a  fait  vivre  en  prosperite.  Mais  la  patience  de  David  combien  a-elle  dure?  Car  apres  que  Dieu  Pa  oinct  pour  Roy  de  son  peuple,  combien  de  fois  a-il  falu  qu'il  ait  fuy  parmi  les  cavernes,  entre  les  bestes  sauvages,  et  parmi  ses  ennemis  ,  qu'il  ne  scavoit  comment  sauver  sa  vie  ?  Et  finalement  il  ha  ceste  tentation,  qui  est  plus  griefve  que  cent  mille  morts,  quand  son  Fils  s'esleve  contre  luy,  et  luy  fait  cest  outrage  d'amener  la  ses  femmes  en  public,  qu'il  fait  sonner  la  trompette  pour  dire,  Toyci  toutes  les  femmes  de  mon  pere,  qui  seront