48:655  655  SERMONS  656  a  este  accomplie,  en  ce  que  le  S.  Esprit  a  este  donne  a  luy  et  a  ses  compagnons,  pour  tesmoignage  et  comme  gage  que  Dieu  le  vouloit  communiquer  a  son  Eglise  et  a  chacun  fidele,  et  que  cependant  il  faloit  qu'il  adveinst  de  grans  troubles  et  que  la  foy  des  Chrestiens  fust  esprouvee:  apres  toutes  ces  choses,  di-ie,  il  amene  les  Iuifs  a  Iesus  Christ.  Car  puis  que  le  S.  Esprit  a  este  donne,  il  faut  qu'ils  recognoissent  la  venue  de  Iesus  Christ  :  pource  qu'il  est  dit  que  ceste  promesse  de  Ioel  ne  devoit  estre  accomplie  que  iusques  au  dernier  temps.  Ainsi  donc  quand  nous  voyons  le  S.  Esprit  ainsi  espandu,  c'est  une  marque  certaine  que  Dieu  a  envoye  Iesus  Christ  afin  d'accomplir  le  salut  des  hommes.  Or  c'est  une  belle  facon  d'enseigner  et  un  ,ordre  bien  convenable  lequel  il  nous  faut  bien  noter,  ascavoir  qu'autant  de  graces  que  Dieu  nous  donne  de  son  sainct  Esprit,  ce  sont  autant  de  moyens  pour  nous  mener  et  conduire  a  Iesus  Christ,  afin  d'apprendre  de  luy  toute  sagesse:  car  c'est  la  fontaine  de  laquelle  il  nous  faut  tout  puiser.  Et  de  faict,  premierement  entant  qu'il  a  este  de  toute  eternite  la  parolle  de  Dieu,  il  est  la  vie  et  lumiere  des  hommes,  et  pource  qu'il  a  receu  toutes  les  graces  du  sainct  Esprit  en  perfection,  entant  qu'il  a  este  fait  homme,  c'est  de  sa  plenitude  que  nous  receverons  grace  pour  grace.  C'est  donc  par  luy  quo  nous  trouverons  grace  devant  Dieu,  car  si  nous  voulons  nous  addresser  a  sa  maieste  sans  tenir  ce  moyen,  nous  ne  pourrons  y  avoir  acces.  Il  faut  donc  que  nous  venions  droit  a  Iesus  Christ,  puis  que  nous  cognoissons  qu'il  a  receu  en  telle  perfection  les  graces  du  S.  Esprit,  que  par  luy  nous  en  pourrions  estre  tous  participans.  Ainsi  sainct  Pierre  use  yci  d'une  bonne  raison  pour  admonester  les  Iuifs  que  le  Redempteur  est  venu,  ascavoir  que,  d'autant  que  le  S.  Esprit  est  espandu,  on  est  aux  derniers  temps.  Puis  il  adiouste:  Hommes  Israelites  oyez  ces  parolles  :  Iesus  de  Nazareth,  homme  approuve  de  Dieu  entre  vous  par  puiosances,  par  miracles  et  par  signes,  lesquels  Dieu  a  faits  par  luy  au  milieu  de  vous,  comme  aussi  vous  scavez,  cestuy,  di-ie,  estant  livre  par  le  conseil  dis  fini  et  prevoyance  de  Dieu,  vous  l'avez  prins  par  les  mains  des  iniques,  et  V  avez  crucifie  et  occis.  C'est  luy  par  lequel  Dieu  s'est  entierement  donne  a  vous,  et  neantmoins  vous  l'avez  mis  a  mort.  Si  est-ce  toutesfois  qu'il  faut  que  cognoissiez  que  c'est  celuy  qui  vous  avoit  este  promis  en  la  Loy.  Il  est  venu  pour  estre  vostre  sauveur,  et  vous  le  pouvez  cognoistre  en  ce  qu'il  n'est  point  demeure  en  la  mort,  car  Dieu  l'a  rendu  victorieux  d'icelle  et  il  en  est  venu  au  dessus.  Voyla  ce  que  8.  Pierre  allegue  en  premier  lieu  aux  Iuifs,  pour  les  amener  a  la  cognoissance  de  Iesus  Christ.  Et  faut  noter  qu'il  ne  traitte  encore  yci  que  de  la  mort